Emiratet e Bashkuara Arabe miratojnë vaksinën për stafin shëndetësor

Emiratet e Bashkuara Arabe

Qeveria e Emirateve të Bashkuara Arabe ka miratuar përdorimin e një vaksine kundër koronavirusit te punonjësit shëndetësorë, pas testimeve të suksesshme klinike.

Ministri i Shëndetësisë, Abdul Rahman Mohammed Al Oweis, tha se vaksina mund të përdoret në raste emergjente, duke përfshirë stafin shëndetësor të vendit. Ai shtoi se vendimi u mor pasi faza e tretë e testimit të vaksinës nuk ka treguar efekte anësore, por ka dëshmuar se krijon antitrupa.

Përdorimi emergjent i vaksinës, e cila është ende duke u testuar, u miratua pasi u testua në 31,000 vullnetarë. Sipas autoriteteve shëndetësore, një mijë njerëz që vuanin nga sëmundje kronike morën pjesë në testime dhe nuk patën asnjë ndërlikim.

Kompania Sinopharm CNG, me seli në Kinë, e ka zhvilluar vaksinën dhe ka kryer fazën e tretë të provës klinike së bashku me qeverinë në Abu Dabi dhe firmën e inteligjencës artificiale, G42 Healthcare, me bazë në Emiratet e Bashkuara Arabe.

Sinopharm siguroi miratimin për testimin e vaksinës në fund të qershorit. Vaksina eksperimentale kaloi Fazat I dhe II të provave klinike me 100% të vullnetarëve që gjeneruan antitrupa pas dy dozave në 28 ditë, tha në një deklaratë, qeveria e Abu Dhabi në korrik.

Sipas Qendrës për Kontrollin e Sëmundjeve, vaksinat inaktive- të bëra me viruse të paaktivizuara (të vrara) ose me një proteinë nga virusi – janë të mirënjohura dhe janë përdorur kundër sëmundjeve të tilla si gripi dhe fruthi.

Rusia në gusht u bë vendi i parë në botë që miratoi një vaksinë kundër COVID-19, pas më pak se dy muajsh testimi tek njerëzit.

Lexoni: Rusia prezanton vaksinën anti-COVID, ekspertët janë të shqetësuar

Reuters

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale