Elon Musk vs. Mark Zuckerberg, kush ka të drejtë? - Business Magazine Albania

Elon Musk vs. Mark Zuckerberg, kush ka të drejtë?


Aktualisht, dy mendjet më të ndritura të teknologjisë, Elon Musk dhe Mark Zuckerberg, janë në një luftë fjalësh nëse inteligjenca artificiale do të na e përmirësojë ose shkatërrojë jetën.

Musk anon nga ana negative, duke paralajmëruar për rreziqet që kanos inteligjenca artificiale. Zuckerberg shikon një të ardhme më të bukur, duke argumentuar që zhvillimi i inteligjencës artificiale do të na ndihmojë për progresin teknologjik të botës.

Lexoni: Inteligjenca Artificiale do të shkatërrojë vendet e punës dhe qeveritë nuk janë të përgatitura!

Të dy e kanë cilësuar njëri tjetrin si injorant, por kush ka të drejtë midis këtyre dy titanëve të teknologjisë.

Eksperti i I.A. për Musk: Më vjen keq, por ti nuk e di se për çfarë po flet.

Nëse doni një arbitër, njeriu i duhur është Rodney Brooks. Ai është krijuesi i Laboratorit të I.A. dhe shkencës kompjuterike në MIT. Shkurt, ai është një nga kokat e fushës. Pra, çfarë mendon ai për Musk vs. Zuckerberg?

Në një intervistë me TechCrunch, Brooks suportoi hapur Zuckerberg:

Ka disa njerëz që e konsiderojnë I.A. një kërcënim, Stephen Hawking ka shkruar një libër të tërë për këtë. Por çfarë vihet re është fakti që asnjëri prej tyre nuk ka punuar më I.A. Ata që kanë punuar vërtet me këtë, e kuptojnë sesa e vështirë është që të bësh dhe gjënë më të vogël të punojë në fund.

Lexoni: Elon Musk thotë se arsyetimi i Mark Zuckerberg për inteligjencën artificiale është “i limituar”

Ja cili është gabimi që Elon dhe të gjithë të tjerët bëjnë. Kur ne shohim një person duke bërë një detyrë shumë mirë, ne e kuptojmë punën dhe mundimin e bërë nga mbrapa. Unë mendoj se ata përdorin të njëjtën logjikë dhe me I.A. (që është e gabuar). Kur njerëzit panë AlphaGo-në e DeepMind të mundte kampionin Korean dhe më pas kampionin Kinez, ata menduan, “O Zot, kjo makineri është kaq e zgjuar, mund të bëjë çdo gjë!” Por unë isha tek DeepMind tre javë më parë dhe ata pranuan që gjërat mund të kishin shkuar shumë më keq.

Brooks gjithashtu është kundër idesë së Musk për të vendosur rregulla ndaj I.A., duke thënë që nuk është e qartë se çfarë duhet të ndalohet në këtë fazë. Në fakt, e vetmja formë e I.A që Brooks do donte të kishte rregulla do të ishin makinat ‘self-driving’- ato që po krijohen nga Tesla e Musk.

Burimi: Inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0