Seriozisht: ai me të vërtetë dëshiron të hedhë një bombë të madhe bërthamore në Planetin e Kuq. Ai përdori Twitter-in për të shfaqur entuziazmin për idenë e tij.
Edhe pse Musk nuk e sqaroi pse dëshiron të rrezikojë aq shumë duke dërguar një bombë bërthamore në hapësirë dhe ta shpërthejë atë në një planet që shkencëtarët po e hetojnë në mënyrë aktive për mundësinë e ekzistimit të shenjave të jetës antike, ky plan ka të ngjarë të ketë të bëjë me ëndrrën e tij për të kolonizuar Marsin dhe për të shpëtuar njerëzimin.
Nuke Mars!
— Elon Musk (@elonmusk) August 16, 2019
Elon Musk për herë të parë sugjeroi bombardimin e Marsit në vitin 2015, kur argumentoi se përdorimi i bombave për të shkatërruar polet e planetit do të lironte mjaftueshëm dioksid karboni për të rritur temperaturën atmosferike të Marsit dhe për ta bërë atë të njëjtë me temperaturën e Tokës, megjithëse shkencëtarët paralajmëruan se plani as nuk do t’i afrohej realizimit.
Megjithatë, Musk ka filluar ta mbështesë fuqishëm idenë e tij – dhe madje sugjeroi në një tweet të radhës se ai do të fillonte të shiste bluza me mesazhin “Ta bombardojmë Marsin”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
