Kjo mundësi duket se rëndon mjaft në mendjen e Musk, pasi shefi i kompanive “Space X”, “Tesla” dhe “Boring” e bëri paralajmërimin e tij në “Twitter” në orën 2:33 të mëngjesit.
“Koreja e Veriut duhet të jetë shqetësimi i fundit në listë për sa i përket rrezikut që i kanoset ekzistencës tonë”, tha Musk në një nga postimet e tij në Twitter.
Duket se frika e Musk u shtua pas një deklarate të Vladimir Putinit se, inteligjenca artificiale është e ardhmja jo vetëm për Rusinë, por për të gjithë njerëzimin. Presidenti rus deklaroi se kushdo që bëhet udhëheqës në këtë fushë do të sundojë botën.
China, Russia, soon all countries w strong computer science. Competition for AI superiority at national level most likely cause of WW3 imo.
— Elon Musk (@elonmusk) September 4, 2017
Musk, në postimin e tij tha se nuk është i shqetësuar se luftën do ta nisë një udhëheqës njerëzor, por një inteligjencë artificiale tepër e kujdesshme, që mund të vendosë se “të sulmosh i pari është rruga më e mirë drejt fitores”.
Sipas Musk, nëse hapet “kutia e Pandorës” përsa i takon inteligjencës artificiale, do të jetë e vështirë të mbyllet.
Miliarderi inovator është prej kohësh një prej zërave më të fuqishëm kundër inteligjencës artificiale dhe së fundmi ishte një prej 100 personave që firmosën një peticion, ku i bëhet thirrje OKB-së të ndalojë armët vdekjeprurëse autonome.
Lexoni: Elon Musk: Inteligjenca Artificiale, një kërcënim për njerëzimin
Të tjerë që mbështesin idetë e Musk për rrezikun që sjell inteligjenca artificiale janë emra të njohur në botën e teknologjisë dhe shkencës, si Bill Gates apo Stephen Hawkins.
/Money
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
