Elis Lulja shqiptari që bëhet pjesë e gjigantit botëror të teknologjisë

Elis Lulja shqiptari që bëhet pjesë e gjigantit botëror të teknologjisë


Elis Lulja është një tjetër shqiptar, që i bashkohet stafit të një prej gjigandëve botëror të tekonologjisë. Ai tashmë ka një kontratë një vjeçare me kompaninë lider amerikane në botë për ndërtimin e pajisjeve të specializuara të rrjetit, ‘Cisco’.

Ishte vetëm 4 vjeç kur u largua në drejtim të Italisë dhe së bashku me familjen e tij u sistemua në Sanremo. Elisi ka studiuar në Universitetin Politeknik të Torinos, ku është diplomuar në degën e inxhinierisë informatike. Për shkak të punës, Elisi është zhvendosur në San Jose në zonën e Kalifornisë, aty ku në fakt gjendet edhe selia e kompanisë, për të cilën ai punon.

Ishte profesori i tij ai që e kishte rekomanduar Elisin në këtë kompani, pasi kishte parë aftësitë e tij në këtë fushë.

“Isha duke punuar në tezën time të diplomës, u përqëndrova në një temë që është shumë afër detyrave, për të cilat unë jam përgjegjës tani. Drejtuesi im i diplomës kontaktohet nga një mik i ngushtë i tij që punon në Amerikë, pikërisht në San Jose, ku dhe i është kërkuar informacion nëse njeh persona me përvojë në shërbimet Cloud”, thotë ai për BusinessMag.al.

Lexo: Ervis Trupja, shqiptari që i bashkohet ekipit të LinkedIn

Një pikë shumë të fortë Elisi cilëson vendosmërinë e tij dhe pasionin për këtë fushë. Ai thotë se në këto vite studime dhe ekperiencë, ka mësuar se gjërat e vështira të bëjnë të rritesh më shumë nga ana profesionale.

Zhvendosja e tij në Amerikë nuk ka qenë shumë e lehtë dhe ambientimi me vendin, kulturën ka qenë një sfidë më vete.

Në bisedën me të, Elisi thotë se ka shumë dëshirë të vizitojë Shqipërinë, pasi ka dëgjuar shumë për të. Ka një kureshtje për vendin e tij dhe një dëshirë shumë të madhe për të kontribuar për të.

“Do të ishte nder për mua që të kontribuoja sado pak për vendin tim në fushën, ku jam specializuar. Jam krenar dhe i lumtur që Shqipëria po zhvillohet dhe po rritet me hapa të sigurt”, shton më tej ai.

Ai i është falenderues familjes së tij që ka bërë shumë përpjekje për ta mbështetur dhe të gjithëve atyre që besojnë në potencialin e tij.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0