Së shpejti banorët e të gjitha Njësive Administrative dhe qendra e qytetit të Elbasanit do të përfitojnë internet falas. Bashkia e Elbasanit ka hapur procedurat e tenderimit për projektin, për të cilin është vënë në dispozicion një fond limit prej 20 milionë lekësh.
Nga detajet e projektit, Wi-Fi do të lidhet duke përdorur transmetimet me fibër optike. Wi-Fi do të mbulojë qendrën e qytetit si dhe zonat e përzgjedhura rurale, duke iu dhënë mundësinë qytetarëve që të përfitojnë nga qasja e drejtpërdrejtë dhe komunikimi në botën dixhitale.
Në dokumentet e tenderit, të publikuara nga Agjencia e Prokurimeve Publike, ofruesi i shërbimit duhet të garantojë një rrejt totalisht privat nga pikëpamja fizike dhe logjike, duke shmangur ndërhyrjet e klientëve të tjerë.
Projekti për internet falas do të përfshijë më konkretisht:
- Bashkinë Elbasan
- Njësinë administrative Gjergjan
- Njësinë administrative Bradashesh
- Njësinë administrative Gjinar
- Njësinë administrative Gracen
- Njësinë administrative Paper
- Njësinë administrative Labinot Fushë
- Njësinë administrative Qendra Balashe
- Njësinë administrative Shirgjan
- Njësinë administrative Tregan
- Njësinë administrative Shushicë
21 janari 2019 është përcaktuar edhe si afati i fundit për dorëzimin e kërkesave, ndërsa kohëzgjatja e kontratës përcaktohet të jetë 36 muaj kalendarikë.
Genta Dobra/SCAN
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
