Edhe biznesi i vogël e i mesëm në protestë - Business Magazine Albania

Edhe biznesi i vogël e i mesëm në protestë


Dyert e shumë dyqaneve sot nuk janë hapur. Me këtë formë, tregtarët e vegjël dhe të mesëm kanë nisur një protestë. Përfaqësuesit e shoqatës së Biznesit të Vogël dhe të Mesëm e bënë të ditur këtë një ditë më parë, duke theksuar edhe se cilat janë kërkesat e tyre ndaj qeverisë.

Protesta pritet të vazhdojë për orarin zyrtar të punës së ditës së sotme, ndonëse jo të gjithë tregtarët i janë bashkuar asaj.

Ja cilat janë kërkesat e biznesit të vogël, disa prej tyre të formuluara kohët e fundit:

  • Ulje e çmimit të karburantit në masën 25%
  • Ulje e çmimit të energjisë 30%
  • Të mos zëvendësohen kasat fiskale dhe
  • Të rritet pragu I TVSH në 12 mln lekë.

Sipas z. Muça, biznesi i vogël po përballet gjithnjë e më tepër me kosto të shtuara. “Edhe për projektin e zëvendësimit të kasave fiskale, ka kosto të larta për ne. Bëhet fjalë për rreth 700 mijë biznese që i përfshin ky projekt. Një kasë së bashku me ndryshimin e sistemit arrin në 500-600 euro, gjë e cila është kosto shumë e lartë për ne. Jemi dakord me projektin në parim, por qeveria të mbulojë kostot”- thotë më tej z. Muça.

Bizneset e vogla janë ankuar këtë vit për rritje të numrit të pikave tregtare të mbyllura për shkak të uljes së theksuar të shitjeve.

Këtë vit vlerësohet të jenë mbyll dhe pezulluar mbi 13000 biznese të vogla e të mesme, ku më të prekurit janë tregtarët e veshjeve dhe ushqimeve, të cilët po konkurohen fort nga qendrat tregtare.

Me këtë protestë, aktualisht në vend po zhvillohen tre protesta njeherësh me kërkesa konkrete ndaj qeverisë.

  • Protesta e banorëve të unazës së re, të cilët kërkojnë dëmshpërblim të plotë për prishjen e banesave të tyre
  • Protesta e studentëve, të cilët kërkojnë ulje të shpenzimeve për arsim dhe një përfaqësi më të mirë në organet vendimmarrëse të universitetit
  • Protesta e tregtarëve të vegjël e të mesëm, të cilët po ashtu kërkojnë ulje shpenzimesh, përmes uljes së taksave e disa çmimeve të të lëndëve bazë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0