E vështirë apo e pamundur!? - Business Magazine Albania

E vështirë apo e pamundur!?


Dje jam kthyer nga pushimet nga Shqipëria dhe në gati 80% të bisedave dëgjoja vetëm shprehje të tilla:

“Këtu çdo gjë është e PAMUNDUR!”
”Këtu është e PAMUNDUR të bësh para!”
”Këtu është e PAMUNDUR të krijosh familje!”
”Këtu është e PAMUNDUR me këta blerës!”
”Këtu është e PAMUNDUR.…., lista mund të jetë shumë e gjatë..!”


Shpesh vështirësitë njerëzit i ndërrojnë me të PAMUNDUREN.
Kur themi vështirë nuk paramendohet e PAMUNDUR.
Vështirësia kërkon thjesht më shumë ose shumë më tepër punë se ndoshta në një vend tjetër, ku këto vështirësi i kanë kaluar para ndoshta 100, 80, 50, apo 30 vjetësh.

Çfarë ndodh kur dikush thotë e PAMUNDUR?
Thjesht ndalon së vepruari dhe mos veprimi nuk sjell rezultate, rezultatet nuk ndryshohen nëse silleni, nëse veproni, nëse vazhdoni të bëni të njëjtën gjë që keni bërë deri tani.

Nëse dikush thotë,
e PAMUNDUR të ndaloj cigaren,
e PAMUNDUR të humbas kilogramët e tepërt,
e PAMUNDUR të fitoj më shumë para,
e PAMUNDUR të ndërroj partnerin (pavarësisht se jeton nën dhunë fizike e psikologjike të përhershme),
e PAMUNDUR të mbaroj Fakultetin,
e PAMUNDUR të studioj në moshën 40 vjeçare,
e PAMUNDUR të gjej partneren e jetës,
e PAMUNDUR të mbijetoj si trajner/mësuese/Coach,
e PAMUNDUR të shkruaj një blog,
e PAMUNDUR të flas para kamerave,
e PAMUNDUR të udhëtoj,
e PAMUNDUR të bëhet ai/ajo njeri,
e PAMUNDUR të ndryshoj,
atëherw gjithçka pas çdo dite që kalon do t’ju duket edhe më shumë e pamundur.

Çdo gjë që ju duket e PAMUNDUR kërkon më shumë disiplinë, më shumë mund, më shumë punë, më shumë kohë, më shumë durim, por në fund kjo punë ju shpërblehet me rezultate.
Për këto rezultate dhe për këtë të ardhme tuajën dhe të atyre që ju rrethojnë, ja vlen të investoni më shumë orë, ja vlen të investoni më shumë kilometra, ata që ecin më larg nuk kanë konkurencë në fushën e tyre, pasi aty nuk ka shumë njerëz që shkojnë; këto kilometra nuk është gati ti bëj kushdo.

Për të gjitha këto gjëra që ju duken të pamundura, ekzistojnë strategji, ekziston shkenca pas rezultateve, strategji dhe metodologji që tashmë e kanë provuar me miliona njerëz.
Unë kam besim tek ty që po e lexon tani këtë!

Po ti a ke besim tek vetja?
Po ti a ke besim tek dikush tjetër? – nëse PO 🔖TAG njeriun të cilit i beson se mund t’i bëjë këto kilometra.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0