E vërteta lëndon, por të rrit

E vërteta lëndon, por të rrit

Disa vite më parë, mora pjesë në një garë organizuar nga UK-Albania Tech Hub. Një aktivitet tipik që gjithmonë i thoja jo. I ftuar nga një mik, fakti që nuk kërkonte shumë kohë, i thashë po.

Kurdo që vendos të merrem me diçka, mundohem t’i jap vlerë kohës, ndaj mund të më mendoni si ai nxënësi i mirë që ulet gjithmonë në rreshtin e parë. Mes shume trajnerëve, ishte edhe Eduardo. Nuk kërkova në Google për emrin e tij, por ndodhi që para se të fillonim trajnimin, të uleshim ngjitur në kafe. Shkëmbyem disa shaka, më pyeti për kafetë më të mira në Tiranë dhe përmendi disa rekomandime, që një mik shqiptar i kishte dhënë në Londër.

Lexoni: Artistët janë të parët

Klasa filloi. Eduardo nuk kishte përgatitur ndonjë PowerPoint, tipike për trajnerët e tjerë, fakt që e bëri dukshëm nervoze organizuesen e Ambasadës Britanike. “Nuk është mënyra ime” shpjegoi dhe le të themi që e zotëroi menjëherë klasën. Pyeti të gjithë sipërmarrësit për emrat e kompanive dhe tha që do dëgjonte dy prezantime. I gjithë trajnimi do ishte me propozime konkrete rreth përmirësimit te këtyre prezantimeve.

“OK, le të dëgjojmë Green Leaf (tregoi nga unë) dhe Dentem”. Ngrihem duke menduar se do ishte e thjeshtë, filloj prezantimin 3-4 minuta dhe në përfundim shikoj nga trajneri duke pritur për komentin. “Kjo është historia më kot që kam dëgjuar ndonjëherë” e shoqëruar nga disa të qeshura nën zë në dhomë.

Papritur, ndjej tensionin të ngrihet, pasuar nga një përzierje ndjenjash. Ballkanasi brenda meje më shtynte t’i thoja “F*ck off”, por nuk e di pse më doli “Të lutem më ndihmo, çfarë mund te përmirësoj”. Me dha disa këshilla praktike mbi prezantimin, por më e rëndësishmja më rekomandoi të lexoja Positioning nga Al Ries, dhe Good Strategy, Bad Strategy. Shkurtimisht më shpjegoi se çfarë bëra, mund të jetë mirë për në Shqipëri, ndoshta Ballkan, por nuk kisha asnjë shans në tregje si Londra.

Gjëja e parë që bëra ishte blerja e librave, që përfundova së lexuari brenda një fundjave. E dyta ishte të kërkoja në Google emrin e tij, Carlos Eduardo Espinal, dhe pashë që ishte CEO i Seedcamp. N.q.s. nuk ju thotë asgjë, janë investitorët e parë në kompani si Revolut, Transferwise, UI Path dhe shumë të tjera.

Lexoni: 12 Startupe do të ndjekin programin e akselerimit të Uplift Albania

Jam i lumtur që e dëgjova këshillën e tij para se ta dija kush ishte dhe më duhet të them që të paktën Positioning duhet lexuar patjetër. Nuk është i rëndësishëm vetëm për drejtimin e një kompanie apo start-upi, por edhe për jetën. Tek e fundit secili nga ne ka “brand”-in e tij, dhe si pozicionohesh në jetën e përditshme apo një kompani bën diferencën.

Arsyeja pse Green Leaf u nda në dy kompani është kjo eksperiencë. Një startup teknologjik shqiptar, që quhet Green Leaf krijon shumë konfuzion. Shumë nga partneret ishin skeptikë, duke bërë që fjalia hapëse e imja të ishte “mos kini merak, nuk shesim bar (stereotipi tipik i kombinimit të emrit Shqipëri me Gjethe Jeshile). GReg lidhet me platformën tonë analitike që më së shumti përdoret në industrinë Reg Tech. AiLend është një platformë kredi-dhënie digjitale që ndihmon njerëzit të kuptojnë Bankat, por dhe Bankat të kuptojnë njerëzit.

Çdo gjë ndodh për një arsye, dhe të dëgjosh dikë që të thotë “sa kot është historia jote” mund të jetë gjëja më e mirë që i ndodh asaj historie.

Në Londër, si i përzgjedhur mes kompanive shqiptare

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0