E re dhe me energji! Donilda Shurbi flet për motivimin

E re dhe me energji! Donilda Shurbi flet për motivimin


Donilda Shurbi është diplomuar për Financë në Fakultetin e Ekonomisë. Gjithmonë  ka refuzuar të punësohet pas programeve, pasi të ardhmen e saj e shikon si një sipërmarrëse dhe jo si një punonjëse.

Donilda është një vajzë e re në moshë, por kjo nuk e ka penguar të jetë bashkëthemeluese dhe drejtuese e disa sipërmarrjeve. Sot ajo aplikon të gjitha njohuritë që ka për botën e startup-eve në dy biznese, StartxLondon dhe FareImpresa. StartX London, është një platformë inovative për studentët shqiptarë dhe të huaj që mbarojnë një universitet jashtë vendit dhe aspirojnë të bëhen sipërmarrës në vendin ku janë diplomuar. Ndërsa Fare Impresa, një ide e përbashkët me Egli Haxhiraj, është portali i kompanive italiane në Shqipëri. Një studio ligjore dhe tregtare që ofron zgjidhje duke vënë në dispozicion të dhënat e nevojshme për investimin tuaj.

Artikulli u publikua më parë në faqen 47 të numrit 20 të revistës Business Magazine Albania. Ju mund të Shfletoni Këtu nr. 20 të saj.

Për të, një sipërmarrës i mirë, që t’i rezistojë tregut duhet të jetë si një “Swiss Army Knife”, ku jo vetëm duhet të ketë aftësi “multitasking”, pra të bëjë shumë gjëra në të njëjtën kohë, por edhe të mësojë vazhdimisht aftësi të reja që mund të nevojiten gjatë rrugës.

“Mendoj se në drejtimin e një biznesi avantazhi më i madh konkurrues i një sipërmarrësi është pikërisht mendësia e tij, mënyra si sillet apo reagon ndaj vështirësive. Një sipërmarrësi i duhet padyshim të jetë gjatë gjithë kohës pozitiv dhe i vetëmotivuar,” thotë Donilda Shurbi për Businessmag.

Sipërmarrja konsiderohet ndryshe një pavarësi financiare dhe profesionale, ndaj ajo ndihet e lumtur kur e di se u ka ardhur në ndihmë shumë personave dhe ka zgjidhur problemet e tyre.

Si femër në këtë fushë ajo pohon se vështirësitë janë të ndryshme, por asgjë nuk është e pamundur e nuk kushtëzohet vetëm nga gjinia. “Femrat janë më shumë të gatshme të sakrifikojnë veten e tyre dhe të japin maksimumin për një qëllim më të lartë, si për shembull për familjen, fëmijët, bashkëshortin apo punën, ndryshe nga meshkujt, që përgjithësisht janë më individualistë dhe fokusohen më shumë tek ego-ja personale siç është rritja e rrogës apo ngritja në detyrë, sesa tek interesat kolektive”.

Ky është padyshim një avantazh konkurrues i femrës, që e bën atë një aset të vyer për çdo kompani.

Për të rinjtë që kanë dëshirë të bëhen pjesë e aventurës së quajtur sipërmarrje, Donilda sugjeron të kuptojnë se aftësitë e domosdoshme për të nisur e drejtuar një biznes të suksesshëm nuk mësohen në shkollë apo universitet.

“Biçikleta nuk mësohet nga një libër, prandaj ju nuk do të kuptoni menjëherë të gjithë kompleksitetin që vjen me nisjen e një biznesi për shkak se nuk e keni hasur atë më përpara”, thotë ajo. “Fokusohuni në atë që e ndieni se do të funksionojë, në atë për të cilën po punoni aktualisht dhe e dini qe do t’ju çojë drejt suksesit. Përqëndrohuni vetëm tek ajo ide, e cila mund ta çojë kompaninë drejt rritjes më të shpejtë”.

Artikulli u publikua më parë në faqen 47 të numrit 20 të revistës Business Magazine Albania. Ju mund të Shfletoni Këtu nr. 20 të saj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0