Nëse nuk ka pasur radhë para Walmart, Best Bye, apo shumë brande të mëdha gjatë të Premtes së Zezë, nuk do të thotë se njerëzit nuk po blejnë. Thjesht, po e bënin këtë përmes smartphonëve të tyre.
Sipas një raporti të shitjeve të fundjavës, prezantuar nga Adobe, Black Friday 2019 pati një total prej 7.4 miliardë dollarë shitje online.
Në tregun amerikan 2.9 miliardë dollarë blerje u realizuan nga persona që përdorën smartpohonët e tyre për blerje, duke e bërë të Premten e Zezë ditën më të madhe të blerjeve online në histori.
Blerjet nga smartphone siguruan 39 % të të gjitha shitjeve ecommerce, me një rritje 21% krahasuar me vitin e kaluar.
“E Premtja e Zezë kulmoi me rekordin e blerjeve nga celulari me 2.9 miliardë dollarë të shpenzuar vetëm përmes smartphone-ve”, thanë Shefi i Adobe Digital Insights dhe analisti kryesor Taylor Schreiner në një deklaratë. “Me Krishtlindjet që po afroheshin me shpejtësi, konsumatorët u hodhën gjithnjë e më shumë në telefonat e tyre, në vend që të rrinin në radhë. Edhe kur blerësit shkuan në dyqane, ata kishin bërë online mbi 40% të blerjeve para se të shkonin në dyqan për të marrë”.
Lexo: 6 këshilla për blerjet online
Në tregun amerikan, që kryeson në këtë drejtim, njerëzit shpenzojnë në shumë kur blejnë online. Vlera mesatare e blerjeve online në të Premten e Zezë ishte 168 dollarë, një tjetër rekord i ri.
Edhe kur blerësit nuk bënë blerje në smartphonët e tyre, ata kanë bërë kërkime nga telefoni për blerjet në tregjet me pakicë. Nga i gjithë trafiku i blerjeve online, mbi 60 % u krijua nga blerjet në smartphone.
Blerjet kryesore nga të dhënat e Adobe u përkasin pajisjeve elektronike si laptopë Apple, Airpod dhe televizorë Samsung. FIFA 20 dhe Madden 20 kanë qenë titujt e videove më popullore, ndërsa Nintendo Sëitch ishte tastiera më e blerë.
Adobe parashikon të sigurojë 7.5 miliardë dollarë blerje online të Premten e Zezë të vitit të ardhshëm
Mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English