Të marrësh përsipër të mësosh të tjerët, e mbi të gjitha t’i formosh profesionalisht është përgjëgjesi dhe një mision. Të njëjtën gjë kanë zgjedhur të bëjnë Suela Bala dhe Jolanda Ymeri. Ndonëse janë të reja në moshë kanë guxuar të hedhin një hap të madh, të trajnojnë të rinjtë në fusha të ndryshme.
Thelimi i njohurive nuk është i “dëmshëm” për askënd, madje të përvetësosh njohuritë e tua është një më e mirë që mund të bësh për veten. BusinessMag.al ka patur shpesh në fokus këto akademi, dy ndër ta janë Link Academy Albania me CEO Jolanda Ymerin dhe Junior Achievement of Albania men CEO Suela Balajn.
Jolanda Ymeri është CEO e Link Academy Albania. Ky është një fondacion i krijuar me qëllim arritjen sa më lart në botën e teknologjisë dhe marketingut dixhital. Link Academy ofron trajnime 1 mujore dhe 6 mujore falas për 6 module. Përkatësisht këto trajnime ofrohen në: Google ads, Social media management, WordPress, Front End Developer, Back End, Graphic Design. Ideja e krijimit të kësaj akademie lindi për të plotësuar kërkesat që ka tregu shqiptar në këtë fushë. Fokusi kryesor i Link Academy është t’u ofrojë të rinjve mundësi trajnimi profesional në fushat e marketingut dixhital, web development dhe graphic design.
Lexo: Link Academy, akademia shqiptare që ofron kurse falas
Suela Bala në akademinë e saj Junior Achievement of Albania, zgjodhi të bënte trajnime mbi sipërmarrjen, edukimin financiar dhe këshillimin e karrierës. Programi i saj u mëson të rinjve si të krijojnë biznese, të cilat gjenerojnë vende të reja pune. Misioni i Junior Achievement of Albania është të nxisë dhe të mbështesë edukimin ekonomik dhe sipërmarrjen tek të rinjtë shqiptarë dhe me projektin e ndërmarrë me shkollat e mesme duket se po e arrin këtë. Gjithashtu modulet JA janë pjesë e lëndëve me zgjedhje për shkollat e mesme. Programi përfshin 93 shkolla dhe më shumë se 150 klasa, në të cilat zhvillohen dy modulet më të njohura të JA ‘’Drejtues për një Ditë’’ & Kompanitë e Nxënësve’’.
Lexo: Suela Bala: “Junior Achievement of Albania, rruga drejt krijimit të sipërmarrësve të së nesërmes”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
