Sipas CEO-s Tim Cook, Apple do të ulë çmimet e iPhone në tregjet ku monedha është dobësuar përballë dollarit.
“Ndërkohë që kemi hyrë në muajin Janar dhe jemi përballur me kushtet makroekonomike në disa nga këto tregje, ne kemi vendosur të ndryshojmë çmimet duke e bërë më të përballueshme, për të ndihmuar shitjet në këto zona,” shprehet Cook.
Është e vështirë të justifikosh 1,760 dollarë për një iPhone XS, kur i njëjti model në SHBA kushton 1,349 dollarë. Dhe është akoma më e vështirë në një vend si Hungaria (e sigurisht dhe Shqipëria), ku çmimet janë më të larta dhe fuqia blerëse e konsumatorit është shumë herë më e ulët se në SHBA.
Apple ka kosto të tjera shprndarje në tregje të ndryshme, ndryshe nga SHBA. Por, e vërteta është se çmimet e iPhone janë shumë të larta për blerës ndërkombëtar dhe ajo është e gatshme të gjejë një zgjidhje për këtë problem.
Gjatë një interviste, Cook foli për rritjen e biznesit të tij të shërbimeve. Të ardhurat e tyre rriten me 19% vit pas viti dhe kompania është e vendosur të lançojë shërbime të reja në vitin 2019, përfshirë shërbimin video.
Cook vuri në dukje se marzhi bruto i shërbimeve merr më shumë efikasitet, kur biznesi i shërbimeve bëhet më i madh dhe biznesi zgjerohet kur kompania shet më shumë iPhone, kështu që ulja e çmimit ka kuptim. Por, vlen të përmendet se Cook kishte një këndvështrim tjetër në vitin 2017, kur kompania lançoi iPhone X, telefonin e saj të parë me çmim 1,000 dollarë.
Le të presim ndryshimet e reja dhe çmimet më të mira që iPhone mund të ketë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
