Doni të bëni më shumë para? Bëjini vetes këtë pyetje

Doni të bëni më shumë para? Bëjini vetes këtë pyetje


  • Ky postim nga Nicole Gravagna fillimisht u shfaq në Quora si një përgjigje për pyetjen “Si mund të punoj në mënyrë më të zgjuar që të fitoj më shumë para?”
  • Për të fituar më shumë para, duhet të punoni në mënyrë më të zgjuar.
  • Për të punuar në mënyrë më të zgjuar, pyesni veten pse po e bëni punën.
  • Të punosh për të treguar vlerën tënde është një qëllim i mirë – por nuk do të garantojë që në të vërtetë do të fitosh më shumë para.
  • Ju duhet të përqendroheni në punën që keni negociuar për pagesë dhe që përmbush një qëllim të paracaktuar.

Njerëzit shpesh punojnë për një arsye, por thonë se po punojnë për një arsye tjetër. Për të punuar në mënyrë të zgjuar, mos u shtirni, por pranojeni arsyen e vërtetë pse po e bëni këtë punë.

Lexoni: Jeff Bezos: “Përpara se të merrni vendime, bëjini vetes këtë pyetje.”

Nicole Gravagna ju jep një shembull nga jeta e saj:

Kam qenë në një rol këshillues ku kam pasur shumë fleksibilitet për të marrë përgjegjësi. Kam marrë përsipër të gjithë departamentin e faturimit për klientin tim pa u negociuar fillimisht se do të paguhesha më shumë për atë rol. Ata me të vërtetë kishin nevojë për ndihmë në departamentin e faturimit dhe unë argumentoja me vete se klienti im do të ishte në gjendje të më paguante më me efikasitet nëse do të kishin një departament faturimi që funksiononte normalisht.

Në realitet, unë mora përsipër departamentin e faturimit, sepse ishte një mundësi spektakolare (ose kështu mendova) për të treguar vlerën time. Unë mund ta transformoja departamentin e faturimit dhe të gjithë do të ishin kaq mirënjohës sa do të më jepnin gjithçka që doja apo duhej (brenda arsyes).

Në të vërtetë, klienti im kishte një departament faturimi të projektuar keq, sepse ata nuk e shihnin vlerën që kishte ky departament. Pra, plani im për t’u bërë jashtëzakonisht e vlefshme për ta, rezultoi një katastrofë.

Pas disa dështimeve, vendosa që të ndaloja së pretenduari se po e bëja këtë punë për para. Duhej të pranoja se po përpiqesha “të isha e vlefshme” dhe sinqerisht, kjo nuk po më sillte para.

Për të punuar në mënyrë të zgjuar, vendosa të ndjek disa rregulla:

  • Nuk do të bëj asnjë punë për të cilën nuk do të negocioj më përpara. Kjo përfshin si fushën e veprimit ashtu edhe kushtet e pagesës.
  • Nuk do të bëj asnjë punë nëse nuk do të paguhem sa duhet për kohën time, ose nëse puna do të konsiderohet si një humbje.
  • Para se të angazhohem në punë, do të sigurohem që të jetë një punë që do të përmbushë një qëllim të paracaktuar.

Pra asnjëherë nuk do të punoj në mënyrë që të ndihem me vlerë. Unë nuk e përziej egon time me të ardhurat e mia. Kur punoni për egon, do të humbisni shumë përpjekje që ju bëni. Punoni me zgjuarsi duke u siguruar që përpjekjet tuaja kanë si qëllim të drejtpërdrejtë të ardhurat.

Lexoni: 7 parashikimet e Bill Gates për të ardhmen

burimi: BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0