Ju keni punuar dhe puna juaj është paguar. Nëse kjo ishte një iniciativë e juaja fillestare, tani ju keni një staf të madh dhe punët po shkojnë më së miri. Edhe performanca gjithashtu. Nëse doni që të arrini sukses si udhëheqës, është koha të riorientoni veten. Ja disa mënyra për t’a bërë këtë.

Bëhuni më të vetëdijshëm

Mendimet janë të rëndësishme për stafin tuaj. Zgjidhni fjalët e gjuhën e trupit që duhet të përdorni. Punonjësit shikojnë gjithçka që thoni dhe bëni, për të kuptuar se çfarë kuptoni dhe si ndjeheni për çdo gjë në lidhje me ata, punën e tyre, të ardhmen e kompanisë, etj.

“Njerëzit lexojnë edhe veprimet më të vogla,” – thotë Maren Perry, president i Arden Coaching. Ata me lehtësi do t’i keqinterpretojnë ato nëse nuk komunikoni qartë. Edhe veprimet më të vogla mund të merren për keq në rastet kur nuk ballafaqoheni me ta, por zgjidhni të veproni në heshtje. Kjo vjen edhe si shkak i problemeve tuaja personale, por stafi juaj ka nevojë për një shpjegim. E thënë më thjeshtë: shqetësimet e panevojshme mund të ndikojnë që të krijoni largësi me punonjësit tuaj. “Gjithashtu, mos harroni se si arritët deri në këtë pikë të karrierës dhe mos harroni të vlerësoni ata që vazhojnë t’ju shërbejnë në mënyrë të shkëlqyer”,- tha Peter Bregman, themelues i firmës këshilluese të lidershipit Bregman Partners.

Këto veprime mund të rrezikojnë rolin tuaj dhe mund t’ju çojnë drejt dështimit. Kolegët dhe ekipi juaj duhet të jenë bashkëpunëtorët tuaj më të mëdhenj, kështu që ju keni në dorë të ndërthurni qëllimet tuaja të përbashkëta.

Shmangni veset e këqija

“Nëse kapeni pas detajeve apo jeni shumë strikt në punën tuaj duhet të tërhiqeni pak. Duhet të mësoni të jeni efektiv në drejtim”, – tha Perry. Tiffany Masterson, themeluesja e linjës “Drunk Elephant”, krijoi kompaninë e saj në vitin 2012 me vetëm disa kontraktorë. Për vite ajo bëri gjithçka, duke krijuar formula të produktit, trajtimin e shërbimit të klientit, dizajnimin e paketimit, marketingun dhe më shumë. Ndërsa biznesi po rritej, ajo kishte nevojë për njerëz të besueshëm. Sot kompania ka rreth 100 punonjës. “Unë kam një ekip që e dua dhe kam besim. Ju duhet të keni njerëz që besoni tek ajo që ata mund të bëjnë për ju”, – thotë ajo.

Menaxhoni kohën tuaj

Ndërkohë që keni shumë takime pune, ju duhet edhe të menaxhoni e fuqizoni ekipin tuaj. Ndërsa duhet të përgatiteni për mbledhje të rëndësishme, stafi duhet të vazhdojë punën. Kjo i bën mbledhjet e gjata të jenë më të lehta, kur puna juaj ecën mirë dhe u është besuar njerëzve të sigurt.

Lexo: 3 Sjelljet që mund të ndërtojnë talentin tuaj, për t`u bërë  udhëheqës më i mirë

Kini besim në atë që thoni

Të pranosh veten si udhëheqës është një proces që zgjat, por është edhe pak i vështirë. Masterson, i cili kurrë nuk kishte drejtuar një biznes më parë, mori vendime të shpejta. Por, ai ndihej keq kur vendimet e saj shkonin në atë që propozonte ekipi i saj. Ndërsa kompania e saj rritej, ajo mësonte si t’a bënte këtë më së miri. Në të njëjtën kohë, ajo mbështetet në ekspertizën e atyre që punësoi me përvojë në industrinë e bukurisë, për të arritur aty ku ajo nuk e kishte menduar. Gjërat nuk zgjidhen vetëm duke thënë po…po..po… Kompania duhet të ketë njerëz që kundërshtojnë me të drejtë.

Lëviz nga lojtari në trajnjer

Një shenjë dalluese e udhëheqjes së vërtetë është të dish se si t’u japësh të tjerëve fuqinë për të shënuar sukses. “Sa më lart të shkoni, aq më pak ju duhet të kontrolloni dhe aq më shumë duhet të frymëzoni dhe fuqizoni ata në ekipin tuaj”,- tha Bregman. Silluni mirë ndaj njerëzve nga të cilët mësoni çdo ditë.  Peter Cancro operon me të njëjtin biznes për gati 50 vjet. Ai është themeluesi i Subs Jersey Mike’s, i cili tani ka mbi 1.000 ekskluzivitete. Cancro filloi të punonte në dyqan që në adoleshencë. Ai e do biznesin e tij dhe është gati të bëjë çdo gjë për të. Puna i ka marrë një pjesë të rëndësishme të kohës. “Ju duhet të mësoni të jeni një trajner dhe jo një lojtar”, – tha Cancro, i cili krijoi një sistem trajnimi dhe mbështetje shumë të fortë për ata që zotërojnë dhe punojnë në ekskluzivitet. Në fillim të karrierës së saj, Kimberley Gardiner, zyrtarja kryesore e marketingut të Mitsubishi Motors North America, ndjeu se duhej të kishte të gjitha përgjigjet dhe të provonte se kishte një vizion të qartë se ku të merrte gjërat.  Rezultati përfundimtar, tha ajo, është zgjidhja që përfshin ide të shkëlqyera nga i gjithë ekipi.

CNN