Departamenti për Efiçiencën e Qeverisjes (DOGE) synon të përdorë një mjet të ri të inteligjencës artificiale për të eliminuar gjysmën e mandateve rregullatore të qeverisë federale, sipas një raportimi të The Washington Post.
Duke iu referuar një prezantimi PowerPoint të datës 1 korrik, gazeta shkruan se “DOGE AI Deregulation Decision Tool” është krijuar për të analizuar rreth 200,000 rregullore federale dhe për të identifikuar ato që nuk kërkohen më ligjërisht, me synimin për t’i eliminuar brenda një viti nga kthimi i Presidentit Donald Trump në Shtëpinë e Bardhë.Sipas prezantimit, puna ka nisur tashmë. Mjeti është përdorur për të shqyrtuar rregulloret në Departamentin e Strehimit dhe Zhvillimit Urban dhe për të shkruar “100% të deregullimeve” në Byronë për Mbrojtjen Financiare të Konsumatorit (CFPB).
Lexo edhe: SHBA dhe BE bien dakord për një marrëveshje tregtare me tarifë doganore prej 15%
Një zëdhënës i Shtëpisë së Bardhë i tha The Post se “asnjë plan i vetëm nuk është aprovuar apo miratuar për zbatim”, por lavdëroi ekipin e DOGE si “më të mirët dhe më të ndriturit në fushën e tyre.”
Ky është vetëm mjeti më i fundit i krijuar nga DOGE , një strukturë që në muajt e parë të administratës Trump udhëhiqej nga Elon Musk duke përfshirë edhe një tjetër mjet të AI-së që, sipas raportimeve, ka pasur probleme me saktësinë dhe ka “hallucionuar” madhësinë e kontratave të Departamentit të Çështjeve të Veteranëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
