Dhoma Amerikane e Tregtisë ka zhvilluar forumin “DOGANAT DHE BIZNESI në vitin 2023”, me të ftuar Drejtorin e Përgjithshëm të Doganave, Genti Gazheli.
Takimi vuri në dukje se ka një përmirësim të ndjeshëm të marrëdhënieve mes biznesit dhe doganës shqiptare, por ka ende mundësi për më shumë.
Z. Gazheli, drejtori i përgjithshëm i Doganave, tregoi për zhvillimet e rëndësishme të digjitalizimit të shërbimeve doganore, lehtësive për biznesin dhe zgjidhjeve të reja që po ofrojnë.
Forumi bëri pjesë të diskutimit metodat e vlerësimit, si “referencat”, për të cilat u tha se janë marrë masa për reduktimin e përdorimit të tyre.
Sipas z,Gazheli, “Për periudhën Janar-Maj 2023 është regjistruar shifra më e lartë e përdorimit të transaksionit në 97%, duke konfirmuar realizimin e e një ndër prioriteteve tona në strategjinë e faciliteteve ndaj biznesit”.
Ai theksoi edhe një koordim më të mire mes tatimeve dhe doganave, duke siguruar zgjidhje për sipërmarrjet.
Drejtori i Doganave theksoi si shumë të rëndësishëm procesin e modernizimit dhe dixhitalizimit të Administratës Doganore.
Lexo: Muzeu “Besa” do të mbajë firmën e studios zvicerane, “Oppenheim Architecture
Neritan Mullai, Drejtor Ekzekutiv i Dhomës Amerikane të Tregtisë theksoi rëndësinë e bashkëpunimit me doganat, si institucioni me shkallën më të lartë të vlerësimit në indeksin e besimit të biznesit si dhe angazhimin e Drejtorisë së Doganave në zgjidhjen e kërkesave të anëtarëve të Dhomës Amerikane tê Tregtisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
