Disa këshilla themelore për startup-et - Business Magazine Albania

Disa këshilla themelore për startup-et

Disa këshilla themelore për startup-et
~3 minuta lexim

Shumë këshilla për startup-et janë praktike, të dizajnuara për t’u zbatuar në baza ditore apo javore. Por disa këshilla janë më thelbësore dhe mund të kenë ndikim transformues për suksesin e tyre. Ja disa nga këshillat më të rëndësishme për startup-et:

  1. Lançojeni produktin shpejt
    Këshilla e parë për themeluesit është të lançojnë produktin sa më shpejt. Ky hap është jetik për të kuptuar problemet e klientëve dhe për të parë nëse produkti i përmbush nevojat e tyre. Ndërsa disa preferojnë të krijojnë produktin “perfekt”, lançimi i një versioni të hershëm që zgjidh një problem kryesor është më efektiv, pasi ju mundëson të përmirësoni bazuar në reagimet e klientëve.
  2. Bëni gjëra që nuk kërkojnë përshkallëzim të mëtejshëm menjëherë
    Shumë startup-e përpiqen të rriten shumë shpejt, por është më mirë të fokusoheni fillimisht në sigurimin e klientëve të parë, edhe me metoda jo të shkallëzueshme. Për shembull, themeluesit e Airbnb morën vetë fotografi të pronave për të pasuruar dhe përmirësuar listimet në platformën e tyre, një praktikë jo e qëndrueshme, por e domosdoshme për të kuptuar më mirë tregun kur ndodhesh në fazat e para.
  3. Kini përqasje për zgjidhje 90/10
    Kërkoni mënyra për të arritur 90% të zgjidhjes me vetëm 10% të përpjekjes. Kjo është më e efektshme se përpjekja për të krijuar një zgjidhje të përkryer që kërkon kohë të gjatë për tu ndërtuar.
  4. Fokusohuni tek klientët që janë të interesuar për ju
    Një grup i vogël klientësh të apasionuar është më i vlefshëm se një numër i madh klientësh të pavendosur. Gjithashtu, ndonjëherë është e nevojshme të “hiqni dorë” nga disa klientë nëse ata nuk janë të përshtatshëm për produktin tuaj apo për suksesin afatgjatë të ndërmarrjes tuaj.                                                                                                                                                                                                                                                                                                                                                                                                                                                                                                                                    Lexo edhe: Hapen konkurset për dy projektet e para të Korporatës Shqiptare të Investimeve!
  5. Mos nxito për tu zgjeruar
    Mos e shkallëzoni ekipin ose produktin përpara se të siguroheni që keni një produkt që klientët vërtet e duan, dhe që ju mund të siguroni klientelën tuaj. Rritja duhet të jetë pasojë e ndërtimit të diçkaje që klientët duan, jo një synim në vetvete.
  6. Mos e nënvlerësoni fuqinë e marrëdhënieve njerëzore
    Marrëdhëniet me bashkëthemeluesit janë po aq të rëndësishme sa fokusi dhe puna me produktin për të siguruar sukses. Komunikimi i hapur dhe i ndershëm brenda ekipit themelues si dhe ekipit të punës mund të parandalojë probleme të mëdha dhe të përmirësojë perspektivën e suksesit të biznesit.

Këto janë vetëm disa nga parimet themelore që çdo themelues startup-i duhet të ketë parasysh për të pasur sukses afatgjatë. Fokusi te klientët, ndërtimi gradual dhe zgjedhja e drejtimit të duhur në faza të ndryshme të start upit janë kyçe.

 

 

 

 

yc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0