Disa aftësi që çdo njeri duhet t'i mësojë në të 20-at e tij - Business Magazine Albania

Disa aftësi që çdo njeri duhet t’i mësojë në të 20-at e tij

~5 minuta lexim


Ju mund të mos jeni në shkollë më, por keni shumë gjëra për të mësuar para se të rriteni plotësisht.

Ç’ka do të thotë, se tani duhet t’i dilni zot vetes.

Më poshtë janë disa nga aftësitë që çdo 20 vjeçar duhet t’i perfeksionojë.

1. Si të jeni i ndershëm
Kur ju jeni vonë për një takim, ja lini fajin bllokimit në trafik apo vonesës së trenit.

Në vend të kësaj, vetëm kërkoni falje. Nuk duhet të jepni detaje. “E kisha planifikuar keq” është njëqind herë më mirë sesa të rrezikoni integritetin tuaj duke fajësuar trafikun.

2. Si të pranoni kritikat
Askujt nuk i pëlqen që t’i thonë se e ka gabim ose që mund ta bëjë në një mënyrë tjetër. Është e thjeshtë për të duruar kritikat e një personi ose thjesht injorojini plotësisht ato.

Megjithatë, Gupta thotë, “në mënyrë që të keni sukses në jetë ju duhet të pranoni kritikat dhe gjithmonë të përgjigjeni pozitivisht dhe kurrë mos mendoni keq për njerëzit që iu tregojnë gabimet tuaja.”

3. Si të veproni në raste refuzimi
Shumë njerëz përdorin 20-tat e tyre për të provuar përvoja të reja pune. Disa prej këtyre përpjekjeve do të funksionojnë dhe disa të tjera jo.

Sipas Joe Choi, Është një mundësi mjaft e mirë për të mësuar sesi të përballeni me refuzimin.
“Jeta është plot me sfida. Të 20 tuaja janë një kohë e mirë që të mësoni veten tuaj sesi të jeni mentalisht dhe emocionalisht elastikë për të përballuar gëzimet dhe vështirësitë që do të vijnë.”

4. Si të mësoni duke mos përdorur vetëm librat
Studimi nuk duhet të kufizohet në kohën tuaj në shkollë. Mësimi “mund të jetë kudo, në çdo kohë dhe me çdokënd”, shkruan Lenny Kho. “Mbajeni mendjen të hapur ndaj çdo gjëje.”

Ju duhet gjithmonë të kërkoni mënyra të reja për të zgjeruar mendjen tuaj. Lexoni libra, praktikoni gjuhët e huaja ose merrni mësime muzike – çfarëdo që iu pëlqen.

5. Si të negocioni
Autori James Altucher thekson rëndësinë e zhvillimit të aftësive negociuese.

Për shembull, kur ju jeni duke negociuar kushtet e një pune ju mund të pyesni menaxherin që po iu punëson, “A doni që unë të dështoj?” Përgjigja është, padyshim, jo – dhe që këtu, ju mund të filloni të nxisni atë për atë që ju duhet.

6. Si të dëgjoni pa folur
M. Malhan shkruan: “Duke e trajnuar veten të jeni një dëgjues i mirë dhe aktiv, ju do të jeni në gjendje të komunikoni në mënyrë më efikase dhe të zhvilloni marrëdhënie më të mira në jetë”.

7. Si të keni durim
Nuk ka dyshim se është e rëndësishme që të jeni ambicioz dhe të punoni shumë për të arritur qëllimet tuaja. Steve Kobrin thotë: “Gjërat e mira thjesht nuk do të ndodhin brenda natës. Duhet kohë që ato të rriten dhe të kultivohen. Duhet shumë punë për këtë. Duhen bërë gabime dhe duhet mësuar prej tyre.”

 

burimi: Business Insider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Suksesi është përbërja e vogël e përpjekjeve të përsëritura çdo ditë.”
— Robert Collier
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0