Dhoma e Tregtisë dhe Industrisë zhvillon trajnimin Kodi i Punës

Dhoma e Tregtisë dhe Industrisë zhvillon trajnimin Kodi i Punës

Dhoma e Tregtisë dhe Industrisë

Dhoma e Tregtisë dhe Industrisë Tiranë do të zhvillojë trajnimin me temë “Kodi i Punës”

Pjesëmarrësit do të jenë të aftë që në përfundim të trajnimit të kuptojnë dhe përdorin në punën e tyre: Ndërtimin e legjislacionit të punës, pjesët përbërëse të tij, të drejtat dhe detyrimet e palëve në një marrëdhënie pune, sanksionet ligjore të parashikuara në rast të shkeljes së ligjit, parandalimin dhe trajtimin e konflikteve individuale në punë, respektimin e ligjit në marrjen në punë dhe largimin nga puna të punëmarrësve, analizimin e kontratës individuale të punës ne aspektin praktik të saj, njohjen dhe përvetësimin e elementeve ligjore dhe praktike të pjesëve përbërëse të legjislacionit të punës si dhe elementet më të rëndësishëm ligjorë si dhe efektet e tyre lidhur me krijimin, funksionimin dhe zgjidhjen e marrëdhënies së punës/kontratës së punës individuale pa pasoja financiare apo ligjore.

Proceset e inspektimit të punës dhe rregullat mbi sigurinë dhe shëndetin në punë si dy nga proceset më të rëndësishme të mbikqyrjes së zbatimit të legjislacionit të punës.

PËRSHKRIMI I PROGRAMIT
Një trajnim 2-ditor prej 4 orësh në ditë (nga16.00-20:00). Prezantime, diskutime në grup, punë në grup dhe prezantime nga grupet. Përdorimi i rasteve të biznesit, pjesëmarrje me raste konkrete nga trajnuesit. Një qasje ku trajnuesit dhe pjesmarrësit do të ndajnë në grup shembujt dhe eksperiencat e tyre konkrete.

KUSH JANË PËRFITUESIT
Përfituesit e trajnimit mund të jenë / janë juristë të shoqërive tregtare ose administratorë të tyre, persona fizikë, të cilët kanë numër të konsiderueshëm të punësuarish ose drejtues biznesesh të mesme, drejtues burimesh njerëzore, ekonomistë shoqërish tregtare, si dhe studentë apo të diplomuar në fushën e drejtësisë apo ekonomikut për të krijuar një këndvështrim praktik mbi legjislacionin e punës dhe zbatimin e tij në praktikë.

METODOLOGJIA

Dita e parë (1)
1. Përbërja dhe rëndësia e legjislacionit të punës në praktikë.
2. Aspekte ligjore të ndërtimit të marrëdhënies së punës (kompani-punonjës).
3. Mbikqyrja e legjislacionit të punës dhe pasojat e shkeljes së tij.
4. Inspektimi i punës dhe siguria dhe shëndeti në punë.
(Raste praktike, shembuj dhe diskutime).

Dita e dytë (2)
1. Aspekte ligjore dhe praktike të lidhjes së kontratës së punës.
2. Procedura dhe dokumentacioni për zgjdhjen e kontratës individuale të punës.
3. Elementët e rëndësishëm të përbërjes së kontratave individuale.
4. Afatet dhe kohëzgajtja e kontratave individuale të punës.
(Raste praktike, shembuj dhe diskutime).

LEKTOR: Ledio Milkani (Avokat & Konsulent Ligjor per Shoqëritë Tregtare)
Ledio Milkani, themeluesi dhe administratori i “Praktikë Juridike” ka përfunduar studimet e larta jashtë vendit i diplomuar si MSC per Shkenca Juridike. Ka punuar si ekspert ligjor dhe i marrëdhënieve të punës në administratën publike. Ka punuar në disa institucione qëndrore (mes tyre Ministria e Punës,).

Ka qenë pjesë e shërbimit civil, anëtar i komisioneve, komiteteve, bordeve dhe grupeve të ndryshme të punës për përgatitjen dhe zbatimin e legjsialcionit shqiptar në fushën e punës, punësimit dhe formimit profesional, inspektimit të punës, legjislacionit për të huajt, për agjencitë private të punësimit, konventave të Organizatës Ndërkombëtare të Punës, Legjislacionit të Bashkimit Evropian, Kartës Sociale Europiane, Konventës së të Drejtave të Fëmijëve, Konventës e OKB për shitjen ndërkombëtare të mallrave, legjislacionit te sigurimeve, pensioneve private, etj.

Ka qene anëtar i grupit negociator për nënshkrimin e MSA (Marrëveshjes së Stabilizimim Asociimit) nga viti 2003-2006 për (Kapitullin e Ceshtjeve Sociale dhe Marrëdhëniet e Punës). Trajner i certifikuar nga ITAP (Instituti i Trajnimit të Administratës Publike sot (ASPA). Përgatitës dhe trajner i certifikuar nga ITAP në Trajnimin e Përgjithshëm te Niveleve të Larta Drejtues të Administratës Publike 2004-2005.

Avokat i licensuar që nga viti 2006 dhe ka ushtruar veprimtarinë si Këshilltar Ligjor & Biznesi, për shoqëri tregtare të ndryshme, ka qene ekspert ligjor i Bashkimit të Dhomave të Tregtisë dhe Industrisë të Shqipërisë si dhe organizatave të ndryshme të punëdhënësve dhe organizatave të ndryshme sindikale. Ka qënë pjesë e bordeve drejtuese në shoqëri të ndryshme tregtare, drejtues në departamente ligjore etj.

Aktualisht eshte themelues dhe Administrator i “Praktike Juridike” Kompani trajnimesh ligjore per juriste, Partner pranë Zyrës Ligjore Damiani & Partners shpk dhe Drejtues i Departamentit Ligjor pranë shoqërisë KADIU sha dhe “Kadiu Grup”.

PAGESA
Tarifa e pjesëmarrjes në trajnim është 8500 lekë, ku përfshihen të gjitha materialet e punës dhe çertifikata në fund të trajnimit. Për anëtarësinë e DHTIT ky trajnim kushton 20% më pak nga vlera standarde.
Per t’u regjistruar plotësoni formularin e aplikimit duke klikuar këtu.

Afati i fundit i aplikimit është data 26 qershor 2020.
Për më shumë informacion mund të kontaktoni Adela Myftari:
Tel: +355 (0) 45 800 934
E-mail: adela_myftari@cci.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0