Dhoma Amerikane e Tregtisë Lançon një Identitet të Ri në Prag të 20 Vjetorit të Themelimit 

Dhoma Amerikane e Tregtisë

Dhoma Amerikane e Tregtisë ka lançuar një imazh të ri identiteti në prag ë 20 vjetorit të Themelimit të saj dhe përpara Asamblesë së Përgjithshme, e cila do mbahet në 15 Tetor.

Imazhi i ri i AmCham simbolizon partneritetin midis Shteteve të Bashkuara të Amerikës dhe Shqipërisë, si dhe përfaqëson evoluimin e organizatës, në dy dekada mbështetje ndaj komunitetit të biznesit.

I frymëzuar nga lidhja e fortë mes Shqipërisë dhe SHBA, identiteti i ri i Dhomës Amerikane ndërthur elementin e qëndrueshmërisë së partneritetit në një stil të thjeshtë, inovativ dhe modern. Imazhi i ri vizual i AmCham shkrin në një element të vetëm unik, simbolin përfaqësues të të dy vendeve – ngjyrën e kuqe dhe blu, të flamurit Amerikan dhe shqiponja dykrenare, simbol i flamurit Shqiptar.

Lexo: Dhoma Amerikane e Tregtisë: Jo detyrime fiskale për të paktën 3 muaj, në turizëm 6 muaj

Në vijim të traditës së saj në këto 20 vite, AmCham do të vijojë të shërbejë si një rrjet efektiv në shkëmbimin e ideve dhe praktikave më të mira ndërkombëtare të të bërit biznes, duke ofruar një platformë të konsoliduar bashkëpunimi midis bizneseve Amerikane, Ndërkombëtare dhe Shqiptare si dhe me sektorin privat, qeverinë dhe institucionet publike.

Identiteti i ri është pjesë e Planit Strategjik të AmCham, i cili parashikon rritjen e efektivitetit të aktiviteteve të dhomës, ndikimin në përmirësimin e legjislacionit dhe klimës së biznesit në vend si dhe transformimin e Shqipërisë në një vend tërheqës rajonal për projekte strategjike nga investitorë amerikanë dhe ndërkombëtarë.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale