Dhjetori 2020 në Tiranë, ja çfarë mund të bësh - Business Magazine Albania

Dhjetori 2020 në Tiranë, ja çfarë mund të bësh

Dhjetori 2020

Marrë nga Vizit Tirana

Tirana shkëlqen nga dritat në Dhjetor.  Atmosfera festive ndihet kudo, edhe pse ky vit ka qenë dhe do të jetë deri në fund i pazakontë për shkak të pandemisë së Covid19. Por, gjithsesi për t’u dhënë njerëzve pak shpresë që viti që vjen do të jetë më i mirë, si dhe për të harruar dhimbjet e shkaktuara nga humbjet e jetëve dhe sëmundja e COVID19, qyteti është ndezur me drita më shumë se kurrë. Më të lumturit janë fëmijët, ata që i adhurojnë dritat, e shohin me shumë lumturi ndryshimin e qytetit dhe duan të bëjnë foto gjithandej. Atyre duhet t’u japim mesazhin se jeta vazhdon dhe se e ardhmja do jetë më e bukur. Për fëmijët ka dhe artistë të veshur në rrugët e ndricuara me veshjet e personazheve të preferuara të filmave për fëmijë, që japin dhurata dhe argëtojnë fëmijët.

Gjithsesi për shkak të pandemisë, grumbullimet e më shumë se 10 veta janë të ndaluara. Njerëzit janë të inkurajuar të qëndrojnë në shtepi, të shëtisin vetëm me familjen e tyre, të ruajnë distancimin social e fizik dhe sigurisht të mbajnë maskë kudo.

Sheshit këtë vit do t’i mungojnë koncertet, festimet e organizuara, si dhe tregu i Krishtlindjeve. Ajo atmosferë ku njerëzit qëndronin me orë të gjata në shesh dhe shijonin kafe, apo dhe një ushqim me miqtë, nuk do të jetë këtë vit.  Gjithsesi dritat tregojnë që Viti i Ri do ndihet në gjithë Tiranën. Në Tiranë rrallë bie borë, por bora do ia shtonte hijeshinë qytetit.

Çfarë të bësh në dhjetor?

Ecje në natyrë

Ecje mes gjetheve të rëna dhe dritave. Ajo që këshillohet dhe për oksigjenimin e mushkrive, është ecja në natyrë. Paradite mund të shijoni kërcitjen e gjetheve të vjeshtës teksa ecni, ndërsa në mbrëmje magjinë e dritave. Rrugët më të ndriçuara janë: Sheshi Skenderbej dhe shumë sheshe të tjera, rruga pedonale Murat Toptani, rruga Myslym Shyri, Rruga e Durresit, e Kavajës, Blloku, etj.

Shopping

Qendrat tregtare, por dhe dyqanet e vogla, janë të hapura, të zbukuruara dhe plot oferta. Në qendrat tregtare mund të gjeni dhe disa evente argëtuese ose dhurata. Të gjitha bizneset bëjnë ulje gjatë kësaj periudhe, kështu që mund të përfitoni. Dhuratat më të preferuara janë: suvenire, libra, dhurata për fëmijë, veshje, verë etj.

Lexo: Përfundon konkursi “Hajde n’Shqipni”, do të ndahen 6 çmime për fituesit

Gatuani!

Gatimi është nga gjërat më të preferuara këtë periudhë të vitit. Amvisat tentojnë të bëjnë gatime të reja për të kënaqur familjarët e tyre. Nuk ka gjë më të bukur se në të ftohtin jashtë të shijosh gjëra të shijshme e të ngrohta brenda. Një kafe apo çaj i ngrohtë pranë sobës apo oxhakut, duke lexuar një libër apo duke parë televizor. Kujdes mos e teproni me ushqimin dhe organizoni sa më shumë lojëra më fëmijët. Edhe në shtëpi mund të luash për të zëvendësuar shumë aktivitete që mungojnë jashtë për shkak të pandemisë. Mund të ketë një mbyllje të re, por gjithsesi vetë dimri të detyron të mbyllesh. Vetëm gatimet mos i hani të gjitha vetëm. Mendoni një pjatë shtesë për një fqinj në nevojë, ose për prindërit, apo të moshuarit që njihni.

Dhuro!

Kjo është periudha ideale për të menduar për tjetrin dhe për të treguar anën tuaj bamirëse. Dhuroni diçka të nisni me urime vitin tjetër. Dhuroni veshje, batanije, lodra, për ata që kanë nevojë, në mënyrë që çdo fëmije apo dhe i rritur të ndjejë njësoj si ju festën e ndërrimit të viteve.

Urojmë që 2021 të jetë vit shumë më i mirë se 2020 dhe pandemia të marrë fund. Gëzuar nga Visit Tirana.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0