Deri më 10 janar, deklarimi i TVSH për biznesin e vogël » Business Magazine Albania – Media Dixhitale dedikuar Sipërmarrjes
Përditësuar së fundmi: 09/01/2019

Deri më 10 janar, deklarimi i TVSH për biznesin e vogël

Share
nga Admin
Jan 09, 2019
Business Magazine Albania constitutes an online periodical publication of business related articles. It is the first of
lexo me teper >
Drejtoria e Përgjithshme e Tatimeve kujton sipërmarrësit e biznesit të vogël me qarkullim 2-5 milionë lekë, se data 10 janar 2019, është afati i fundit i deklarimit dhe dorëzimit të Librave të Shitjes dhe Blerjes për periudhat tetor- nëntor- dhjetor 2018.

Ky është një detyrim që nuk mbart penalitet, por që duhet të përmbushet nga ana e tatimpaguesve sepse këto të dhëna përbëjnë bazën për plotësimin e mëtejshëm të deklaratës së thjeshtuar të TVSH-së, sipas DPT.

Administrata Tatimore tregohet e gatshme të asistojë gjatë procesit të plotësimit dhe dorëzimit të Librave të Shitjes dhe Blerjes tatimpaguesit.

Për këtë, ju mund të vizitoni “Këndin e Asistencës” i dedikuar për biznesin e vogël, pranë të gjitha Drejtorive Rajonale Tatimore (13 kënde efektive).

Pranë këtyre këndeve, ju mund të merrni të gjithë asistencën e nevojshme, në mënyrë që të përmbushni me korrektësi detyrimet ligjore, thuhet në njoftim.

Për çdo paqartësi ju mund të telefononi pranë Qendrës së Thirrjeve në numrin e gjelbër pa pagesë 0800 00 02, ku një operator do t’ju ofrojë asistencë në kohë reale: nga e hëna në të enjte ora 08:30 -18:00 dhe e premte ora 08:30-16:00. Ju mund të përdorni edhe shërbimin Live Chat në: Tatime.gov.al 

Tatimet kanë paraqitur edhe një tutorial për t’u njohur me mënyrën e plotësimit dhe deklarimit elektronik të Librit të Shitjes dhe Blerjes, mund të klikoni Këtu!