Cristiano Ronaldo fiton më shumë para nga Instagram-i se sa nga kontrata e tij me Juventusin

Futbollisti i Juventusit nuk është vetëm një superstar në futboll, por është gjithashtu shumë i suksesshëm edhe në rrjetet sociale.

Tani është zbuluar se Ronaldo është përfituesi më i madh në Instagram dhe gjithashtu mban një diferencë të madhe me yjet e tjerë të këtij rrjeti social.

Lexoni:

Ja sa paguhen njerëzit më të famshëm në botë për postimet e sponsorizuara në Instagram

Më poshtë është lista e 10 yjeve botërorë nga shumë fusha:

• Cristiano Ronaldo –  38.2 milionë paund,

• Lionel Messi –  18.7 milionë paund,

• Kendall Jenner –  12.7 milionë paund,

• David Beckham –  8.6 milionë paund,

• Selena Gomez –  6.4 milionë paund,

• Neymar –  5.8 milionë paund,

• Zlatan Ibrahimovic –  3.2 milionë paund,

• Kylie Jenner –  3 milionë paund,

• Ronaldinho –  2 milionë paund,

• Khloe Kardashian –  975 mijë paund.

CR7 e ka kthyer vetën në një markë aq të fuqishme, saqë po i lë të tjerët në hije.

Në fakt, ai po fiton më shumë para nga rrjetet sociale, se sa nga paga e tij vjetore te Juventusi.

Sipas Goal.com, Ronaldo fiton 26,39 milionë paund në vit (30 milionë euro) nga kontrata e tij me Juventusin dhe kjo shumë është pothuajse 12 milionë paund më pak se sa që fiton ai në Instagram. E jashtëzakonshme!

Prej Juventusit dhe Instagram-it, portugezi fitoi mbi 64 milionë paund në vitin 2019 dhe kjo është pa përfshirë sponsorizimet dhe përfitimet nga bizneset tjera.

Pa marrë parasysh sa i suksesshëm është deri më tani, në moshën 34 vjeçare, në fushën e futbollit, ai ende po thyen rekorde.

Më herët këtë javë, ai u bë futbollisti i gjashtë në histori që arrin të shënojë 700 gola. Por, përsëri Ronaldo deklaron që mund të presim edhe më shumë prej tij.

“Rekordet vijnë natyrshëm, unë nuk i kërkoj ato, rekordet më kërkojnë mua”, tha ai pas humbjes së Portugalisë ndaj Ukrainës.

Givemesport