Sipas raportimeve, Facebook (i riemërtuar Meta) ka kaluar një valë dorëheqjesh nga punonjësit kryesisht në nivele drejtuesish këtë vit. Deri më tani, të paktën 18 drejtues kanë dhënë dorëheqjen. Përfshirë Shefin e Teknologjisë (CTO), Shefin e të Ardhurave (CRO), Zëvendës Presidentin e Shitjeve dhe Shefin e Valutave dhe Portofolit Digjital.
Facebook ka dhjetëra mijëra punonjës dhe planifikon të punësojë akoma dhe më shumë. Por skandalet e njëpasnjëshme, mbikëqyrja e rreptë publike dhe tregu shumë konkurrues i teknologjisë kanë sjellë sfida për rekrutimin dhe mbajtjen e punonjësve.
Rekrutuesit në fushën e teknologjisë kanë parë që Facebook ka përjetuar një valë largimesh këtë vit dhe shumë drejtues janë larguar nga kompania. Disa prej këtyre drejtuesve janë punësuar më pas në pozicione të nivelit më të lartë, të tilla si drejtues të nivelit “C” në Instacart; të tjerë nuk i kanë bërë të ditura vendet e reja të punës dhe disa të tjerë kanë kritikuar Facebook pas largimit nga puna.
Këtu gjendet një listë e punonjësve kryesorë, menaxherëve dhe drejtuesve që u larguan nga Facebook në 2021:
- Shefi i Teknologjisë (CTO) Mike Schroepfer
- Shefi i të Ardhurave (CRO) David Fischer
- Carolyn Everson, Zëvendës Presidente e Shitjeve Globale të Reklamimit
- Drejtoresha e aplikacionit Facebook App, Fiji Simo
- David Marcus, kreu i portofolit dixhital Novi, të Facebook
- Kevin Weil, Zëvendës President i Novi
- Asha Sharma, Zëvendës Presidente e Product
- Deborah Liu, Zëvendës Presidente e aplikacionit Facebook App
- Hugo Barra, Zëvendës President i Facebook Reality Labs
- Mark D’Arcy, Zëvendës President për Marketingun Global të Facebook dhe Drejtor Kryesor Kreativ (CCO)
- Stan Chudnovsky, Zëvendës President i Messenger Business
- Mike Verdu, Zëvendës President i Përmbajtjeve AR/VR
- Samid Chakrabarti, Udhëheqësi i ekipit Civic Integrity në Facebook
- Julien Cordoniou, Zëvendës President i Facebook Workplace
- Drejtori i Organizatës kundër Terrorizmit dhe Rrezikut në Facebook, Brian Fishman
- Kreu i produkteve të inteligjencës artificiale të Facebook, Ragavan Srinivasan
- CEO i CrowdTangle, Brandon Silverman
- Drejtori i dizajnit të produktit, Ryan Freitas
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
