COVID-19, 11 të infektuar dhe 2 viktima të tjerë, 197 të prekur në total

11 persona të infektuar me Covid-19 janë zbuluar në 24 orët e fundit, duke e çuar numrin total në 197 të infektuar. Dy pacientë humbën jetën duke e çuar në 10 numrin e viktimave: një 72-vjeçare nga Vlora dhe një 67-vjeçar nga Tirana. Të dy viktimat vuanin nga hipertensioni.

Në informimin e përditshëm të Ministrisë së Shëndetësisë, të shtunën paradite, Silva Bino njoftoi se harta e personave të prekur është zgjeruar gjatë 24 orëve të fundit në Pukë, me dy persona të prekur.

Në 24 orët e fundit janë testuar 79 persona të dyshuar, ndërsa në total janë testuar 1325 persona, ku:

– 186 persona janë të prekur nga koronavirusi,

– 33 janë shëruar, 6 punonjës të sistemit shëndetësor,

– 10 kanë vdekur,

– 74 persona janë të shtruar në spital,

– 4 prej tyre janë në terapi intensive.

Pjesa tjetër e pacientëve është e vetëkarantinuar në shtëpi.

Pacientët e shëruar duhet të qëndrojnë në vetëkarantinim për 14 ditë.

Përhapja e koronavirusit deri më 28 mars është sipas këtyre zonave:

— Në Tiranë: 113 persona;

— Në Durrës: 11 persona;

— Në Fier:  21 persona;

— Në Lushnjë: 4 persona;

— Në Elbasan:  5 persona;

— Në Rrogozhinë:  2 persona;

— Në Kavajë: 4 persona;

— Në Korçë: 12 persona;

— Në Vlorë: 5 persona;

— Në Shkodër: 4 person;

— Në Lezhë: 4 person;

— Në Has: 2 persona;

— Në Berat: 1 person;

— Në Krujë: 3 person;

— Në Tropojë: 3 persona;

— Në Pukë: 3 persona.