Facebook njoftoi ndryshimin e News Feed në Janar dhe AdStage konstatoi se CPMt (kosto për 1000 përshtypje të reklamave) u rritën në 122% në krahasim me muajt më parë.
Ndryshimi i algoritmit të Facebook do të thotë që më pak artikuj lajmesh dhe reklama janë duke u shfaqur tek përdoruesit, duke çuar në më pak përshtypje ndaj reklamave. Për më tepër, Facebook njoftoi se në nivel global, përdoruesit mesatarisht shpenzojnë dy minuta më pak në ditë në platformë. Duke supozuar se reklamuesit kanë mbajtur konstant buxhetet e tyre në Facebook, kjo do të çonte në CPM më të larta për reklama në këtë platformë.
Lexoni: Ndryshimet e bëra nga Facebook në “News Feed” po nxjerrin jashtë loje publikuesit
Vlen të përmendet se sistemi i reklamave në Facebook në fund të fundit është mekanik – është një proces ankandi që përcakton çmimet në bazë të kërkesës dhe konkurrencës dhe nuk është i njëanshëm ndaj blerësit, pavarësisht nëse është një markë e madhe apo një fushatë politike.
Megjithatë, ulja e përshtypjeve të reklamave nuk ka penguar të ardhurat nga reklamat e platformës sociale – Facebook fitoi 12.8 miliardë dollarë nga të ardhurat e reklamave në tremujorin e 4-ët 2017. Për të siguruar që përshtypjet e ulura të reklamave nuk ndikojnë negativisht në fundin e saj, Facebook mundet të përqëndrohet në rritjen e bazës së klientëve të saj në reklama përmes bizneseve të vogla, të cilat ai pret të jenë një kontribues i madh në rritjen e ardhshme.
burimi: BI
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
