Çmimi i naftës rritet në nivele rekord. Rritje edhe për benzinën, gazi i pandryshuar - Business Magazine Albania

Çmimi i naftës rritet në nivele rekord. Rritje edhe për benzinën, gazi i pandryshuar

Çmimi i naftës nuk ndal rritjen duke iu afruar niveleve rekord. Me vendimin e ri të Bordit të Transparencës nga 1 qershori nafta do të shitet për 248 lekë litri, duke u shtrenjtuar me 9 lekë më shumë.

Rritje të ndjeshme ka shënuar edhe çmimi i benzinës. Në pikat e karburanteve konsumatorët do ta blejnë atë për 244 lekë litrin, nga 237 lekë që ishte, duke bërë që qytetarët të paguajnë kosto gjithnjë e më të larta për karburantet.

Ndërsa çmimi i gazit nuk ka ndryshuar dhe do të vazhdojë të tregtohet për 90 lekë litri.

Edhe në tregjet ndërkombëtare çmimi i naftës ka qëndruar i lartë duke arritur në mbi 120 dollarë për fuçi këtë të hënë, niveli më I lartë në dy muaj. Kjo si rrjedhojë e shqetësimeve në rritje lidhur me furnizimin e tregut nga Rusia.

Lexo edhe: BE bie dakord të ndalojë importin e 2/3 të naftës ruse

“Sytë” janë nga Bashkimi Europian, nëse ky i fundit do të vendosë apo jo kufizime për të ndaluar importet e naftës nga Rusia në kuadër të sanksioneve që blloku po ndërmerr ndaj saj.

Këto luhatje do të ndikonin drejtpërdrejt edhe çmimet në tregun vendas, pasi pavarësisht qëllimit për kufizimin e çmimeve, vendimet e Bordit të Transparencës  po i nënshtrohen ndryshimeve në tregjet ndërkombëtare.

Nëse rritja në bursa vazhdon, me shumë gjasë çmimi i naftës në vend mund të prekë nivelin rekord që shënoi në fillim të marsit kur arriti në 260 lekë litri.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0