CityRiddler: Startup-i i shqiptarit që ofron përvoja inovative në turizmin austriak - Business Magazine Albania

CityRiddler: Startup-i i shqiptarit që ofron përvoja inovative në turizmin austriak

CityRiddler

Imagjinoni veten në udhëtimin tuaj të ardhshëm në një qytet europian. Ju doni të eksploroni historinë dhe kulturën e atij vendi dhe gjithashtu të përjetoni qytetin si vendasit. CityRiddler ofron një eksperiencë interaktive të personalizuar, bazuar në interesat e përdoruesve. Përdoruesit mund të zgjedhin çfarë i intereson më shumë, kohëzgjatjen dhe vendndodhjen e fillimit dhe mbarimit të turit dhe më pas algoritmi gjeneron një eksperiencë unike për ta. Si pjesë e ndërveprimit me aplikacionin, përdoruesit duhet të zbulojnë gjëra të fshehura pergjatë turit, të cilat kombinohen me teknologjinë e Augmented Reality. Gjithashtu, çdo ndalesë e turit ofron informacione dhe fakte interesante të përgatitura nga komuniteti i krijuesve.

CityRiddler synon të jetë udhërrëfyesi personal i çdo përdoruesi që kërkon të kurseje orë të tëra kërkimi rreth aktiviteteve që ofron një qytet i ri. Bazuar në teknologjinë e inteligjencës artificiale, algoritmi mund të mbështetet në të dhënat e shumta të turistëve me interesa të përbashkëta dhe mund të bëjë sugjerime për muze, evente, restorante dhe lokale pranë vendndodhjes tuaj.

Ky Startup ka nisur si ide në Universitetin Teknik të Vienës, ku tre studentë ishin pjesë e inkubatorit  „Innovation Incubation Center (I²C)“. Njëri prej tyre është shqiptari Deivis Shomo, i cili na tregon se të tre bashkëthemeluesit kishin ide të ngjashme për një produkt turistik dhe arritën t‘i bashkojnë ato në një të vetme. Gjatë vitit të fundit kanë krijuar disa prototipe për të kuptuar më mirë nevojat dhe dëshirat e përdoruesve dhe prej disa javësh aplikacioni mund të gjendet në App dhe Play Store. Gjithashtu, ata janë pranuar në një program inkubimi të mundësuar nga shteti Austriak të quajtur „AËS First“, ku së fundi kanë marrë edhe mbështetjen e parë financiare, ndërkohë që mentorohen nga disa prej ekspertëve më të njohur të kryeqytetit austriak.

Lexo: Startup-i i parë shqiptar që ofron krahë robotike për industrinë

Se fundi, startup-i ka tërhequr dhe vëmendjen e mediave austriake. Njëra prej tyre është brutkasten.com.

CityRiddler ofron aktualisht eksperienca vetëm për qytetin e Vjenës, por më shumë qytete do të përfshihen në aplikacion së shpejti. Shpresojmë dhe besojmë që Tirana do të jetë patjetër në qytetet e tyre të ardhshme!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0