Cili ishte vendimi që e çoi Warren Buffett në ndërtimin e perandorisë së tij 76 miliardë $?


Me një vlerë neto prej 71.9 miliardë $, 80 vjeçari Warren Buffett është një nga financierët më të suksesshëm në botë.

Që në moshë të re, Buffett dukej i destinuar për madhështi. Kur ishte 16 vjeç, ai kishte grumbulluar 53.000 $.

Në kohën që ai u diplomua nga Shkolla e Biznesit në Kolumbi, në vitin 1951, dukej se asgjë nuk mund ta ndalonte në rrugën e tij.

E pra, pothuajse asgjë.

Në pjesën më të madhe të jetës së tij, Buffett luftoi me një frikë paralizuese të të folurit në publik.

“Unë e rregullove jetën time në mënyrë të tillë që unë kurrë mos të dilja përpara të gjithëve” thotë ai për biografen, Alice Schroeder.

Si arriti Buffett të kapërcente frikën e tij duke u bërë një nga komunikuesit e biznesit më të angazhuar dhe më të nderuar të të gjitha kohërave?

E thjeshtë: praktikë, praktikë, praktikë.

Tejkalimi i barrierave për sukses

Pas kthimit në Omaha pas diplomimit, Buffett pa një shpallje për një kurs të foluri në “Dale Carnegie” dhe u regjistrua.

Një herë në javë, 20 vjeçari Buffett u bashkua me një grup prej 30 shokësh të tmerruar njësoj ndaj të folurit në publik. Çdo nxënësi iu dha një libër me shembuj fjalimesh dhe duhet ta paraqiste atë para klasës çdo javë.

Të bashkuar në vetë terrorin e tyre, shokët e klasës formuan një mjedis mbështetës dhe inkurajues.

Nëpërmjet disa javësh praktikë dhe duke zhvilluar truke për të hequr frikën e tij, puna e madhe e Buffett u shpërblye.

Pavarësisht se ka diploma të fituara nga dy universitete elitare, e vetmja diplomë e cila shfaqet aktualisht në zyrën e Buffett është një certifikatë diplomimi nga kursi i të folurit publik “Dale Carnegie” në Omaha.

“Kjo është diploma më e rëndësishme që unë kam”, tha Buffett për BBC.

Evolucioni i një komunikuesi

Sot, Buffett është i njohur për aftësitë e tij të qarta të komunikimit efektiv.

Në letrën e tij vjetore për aksionarët e Berkshire Hathaway, Buffett është tejet me këmbë në tokë dhe i qartë.

Por edhe më e rëndësishme është përmbajtja e letrës, e cila është mënyra më e dallueshme dhe kreative me të cilën Buffett komunikon mesazhin e tij.

Në një raport prej 23 faqesh, Buffett shpjegon rritjet dhe uljet financiare të vitit me qartësi dhe zhargon minimal.

Sekreti i Buffett për të shkruar në mënyrë të drejtpërdrejtë? Ai i imagjinon dhe i trajton ata si vëllezërit dhe motrat e tij, jo si aksionerët e tij.

“Salca sekrete” e Buffett

Karriera e Buffett mund të ndërtohet mbi ide të shkëlqyera dhe investime të zgjuara, por reputacioni i tij është i bazuar në aftësinë për të komunikuar në mënyrë efektive.

“Ju duhet të jetë në gjendje të komunikoni në jetë”, shpjegon Buffett në një intervistë të fundit.

“Shkollat, në një farë mase e nënvlerësojnë këtë. Nëse ju nuk mund të komunikoni dhe të bisedoni me njerëz të tjerë, ju jeni duke hequr dorë nga potenciali juaj.”

Ajo që ka funksionuar për të, mund të funksionojë edhe për ju. Buffett nxit profesionistët e tjerë të kapërcejnë frikën e tyre e të folurit në publik sa më shpejt të jetë e mundur, duke thënë: “Është shumë më e lehtë të mësosh zakonet e duhura kur jeni i ri … ju ndonjëherë duhet ta detyroni veten të bëjë disa gjëra.”

Burimi: inc.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale