Cilat janë aftësitë e shekullit të 21-të për të cilat ka nevojë çdo student?

Hendeku midis aftësive që njerëzit mësojnë dhe aftësive që njerëzit kanë nevojë po bëhet më i qartë, pasi të mësuarit tradicional është shumë larg njohurive që studentët duhet të kenë, sipas raportit të Forumit Ekonomik Botëror “Vizioni i ri për arsim: Nxitja sociale dhe të mësuarit nëpërmjet teknologjisë”.

Kandidatët e ditëve të sotme duhet të jenë në gjendje të bashkëpunojnë, komunikojnë dhe zgjidhin probleme – aftësi këto të zhvilluara kryesisht përmes mësimit social dhe emocional (SEL). Duke u kombinuar me aftësitë tradicionale, këto aftësi sociale dhe emocionale do t’i pajisin studentët me njohuri për të patur sukses në ekonominë dixhitale.

Çfarë aftësish do të nevojiten më shumë?

Një analizë e 213 studimeve ka treguar se studentët të cilët kanë marrë mësime rreth SEL kanë patur rezultate 11% më të larta sesa ata që nuk morën mësime. Gjithashtu SEL çon në përfitime potencialisht afatgjata të tilla si norma më të larta të punësimit dhe plotësim arsimor.

Aftësitë e mira drejtuese si dhe kureshtja janë gjithashtu pjesë të rëndësishme për studentët për të mësuar për punët e tyre të ardhshme.

Një raport tjetër i Forum, “E ardhmja e punëve”, e lançuar gjatë takimit vjetor 2016 në Davos studoi strategjinë e punësimit, aftësitë dhe forcën e punës për të ardhmen.

Raporti konsistone në pyetjen e krerëve të burimeve njerëzore dhe zyrtarëve nga punëdhënësit kryesorë global se çfarë do të thoshte për ta ky ndryshim, në mënyrë specifike për punësim, aftësitë dhe rekrutimin në të gjithë industritë dhe në çdo shtet.

Hartuesit e politikave, edukatorët, prindërit, bizneset, studiuesit, zhvilluesit e teknologjisë, investitorët dhe OJF-të së bashku mund të sigurojnë që zhvillimi i aftësive sociale dhe emocionale të bëhet një objektiv i përbashkët dhe kompetencë e sistemeve të arsimit kudo.

Burimi: weforum.org