Nisja e një start-up-i është një hap ambicioz dhe sfidues ku ndër të tjera kërkon përgatitje të mirëfilltë dhe strategji të qarta. Bazuar ekspertëve globalë dhe studimeve të publikuar nga Harvard Business Revieë dhe Forbes, kemi 5 elemente që duhet të merren parasysh.
- Identifikimi i problemit që duam të zgjidhim
Dështimi apo suksesi i një start-up-i nis me qartësunë ose mungesën e identifikimit të problemit në treg. Sipas raportit nga CB Insights, 42% e start-up-eve dështojnë sepse nuk kanë një treg të qartë për produktin ose shërbimin e tyre. Sakaq, Elon Musk ka thënë:
“Zgjidhni një problem të rëndësishëm dhe të ndjeshëm për klientët, jo thjesht diçka që tingëllon e bukur.”
- Ekipi i fuqishëm
Mund të kesh një ide brilante, madje dhe aftësi të shkqëlqyera në fushën që do të shkëlqesh, por nëse nuk arrin të kuptosh rëndësinë e ekipit, e ke humbur thelbin. Themeluesi i Amazon, Jeff Bezos, ka thënë:
“Ne punësojmë njerëz që mund të sjellin diçka më shumë se thjesht aftësitë teknike. Karakteri dhe kultura janë të rëndësishme.”
Lexo gjithashtu: Disa këshilla themelore për startup-et
- Testimi i produktit
Gabimet janë të kushtueshme kurdoherë, po në fillim ndihen edhe me shumë. Shumë start-up-e gabojnë duke sjellë produktin e papërfunduar në treg. Ekspertët nga Y Combinator kanë këshilluar krijimin e një version minimal të produktit fillimisht, i cili mund të sjellë përshtypjet e para nga klientët. Ndërkohë për këtë hap, ka qenë Eric Ries, autor i The Lean Startup që ka thënë:
“Mos e mendo si një produkt të përfunduar, por si një mësim i parë në rrugën e suksesit.”
- Menaxhimi i financave
Ka shumë njerëz me ide e ambicie që kanë planet e tyre por ju mungon kapitali. Raporti i kryer nga Startup Genome tregon se 29% e start-up-eve dështojnë për shkak të menaxhimit të dobët të fondeve. Në këtë rast kemi Sam Altman, i njohur si një nga investitorët kryesorë në Silicon Valley që këshillon:
“Shpenzoni paratë me kujdes, sikur janë të fundit që keni.”
Lexo gjithashtu: 4 besime kufizuese që pengojnë rritjen e startup-it tuaj në teknologji
- Mendimi global që në fillim
Sot mundësitë janë më të shumta se kurrë, një botë e globalizuar nuk të lejon të mendosh lokalisht dhe të kufizosh potencialin e një start-up-i. Kemi shumë kompani të suksesshme që na tregojnë shembuj suksesi nga globalizimi, këtu mund të përmendim Airbnb. Ka një shtrirje të gjërë kudo, madje është shumë e përhapur dhe në Shqipëri.
Bashkëthemeluesi i Andreessen Horowitz, Marc Andreessen, ka thënë:
“Nëse ideja juaj është universale, përse mos ta synoni tregun global?”
Secila nga këshillat është e nevojshme, jo vetëm në rastet kur po mendon të sjellësh një start-up, por edhe kur tashmë e ke, por je duke synuar ta mbash atë në treg.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
