Cila është kompania që eksporton në mbi 20 shtete? - Business Magazine Albania

Cila është kompania që eksporton në mbi 20 shtete?


Kompania Frutex nga Suhareka është njëra ndër kompanitë më të suksesshme prodhuese në Kosovë. Ajo prodhon pije energjike “Golden Eagle” si dhe lëngjet “Relax”. Cilësia dhe kualiteti i produkteve ka bërë që produktet e saj të jenë të shtrira në mbi 20 vende botërore.

Pronari i Kompanisë Frutex nga Suhareka Shaqir Palushi, ka thënë se gjatë vitit që kanë lënë pas kanë pasur rritje të shitjeve e po ashtu edhe të investimeve dhe numrit të të punësuarve.

“Për kompaninë Frutex viti 2016 ka qenë një vit i suksesshëm, sepse kemi pasur një rritje rreth 20% të të ardhurave dhe kjo rritje është përcjellë edhe me rritje në investime dhe rritje të numrit të të punësuarve. Gjithashtu ajo që mund të jetë e veçantë e këtij viti është vazhdimi i shtrirjes në tregun ndërkombëtar dhe sot produktet e kompanisë Frutex gjenden në tregjet e mbi 20 vende të ndryshme të Evropës, Afrikës dhe Azisë”, thekson Palushi.

Ai thotë se trende pozitive rritëse planifikojnë të kenë edhe gjatë 2017, por Qeveria e Kosovës duhet të krijojë ende lehtësira fiskale për bizneset.

“Natyrisht që pritjet për këtë vite janë edhe më të mëdha duke u bazuar edhe në premtimet e Qeverisë së Kosovës për pakon e re fiskale, e cila do të krijonte lehtësira të reja për prodhuesit kosovarë”, tha biznesmeni Shaqir Palushi.

Përveç kompanisë, Palushi udhëheq edhe Fondacionin Humanitar “Golden Eagle” që ka kontribuar në dhënien e shumë bursave për studentë si dhe ka rregulluar dhe pajisur me pajisje disa reparte të pediatrisë në vend.

 

burimi: Telegrafi

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0