Cila është gjëja më me vlerë që kemi në jetë? - Business Magazine Albania

Cila është gjëja më me vlerë që kemi në jetë?

gjëja më me vlerë

Kur bëj këtë pyetje marr përgjigje të ndryshme. Dikush thotë familja, dikush fëmijët, dikush kompania që kam ngritur nga zero, dikush konsideron si gjënë me vlerë makinën, shtëpinë, orën e shtrenjtë, veten, jetën, punën, e të tjera.

Pyetja tjetër e radhës është: Si e paguani gjithçka, apo atë gjë më me vlerë që keni në jetën tuaj?

Shumica e përgjigjeve është që paguajnë me paranë.

Jam dakord që për të pasur diçka, për të investuar, për pushime, veshjet, makinën, shtëpinë, na duhet paraja.

Por si e sigurojmë paranë? Çfarë investojmë për të siguruar paranë? Gjithmonë investojmë kohën tonë.

Më poshtë po marr disa shembuj konkretë.

Nëse duam një makinë të re, për të punojmë 4, 5 apo edhe 7 vjetë.

Nëse duam një shtëpi të re, punojmë ndoshta edhe 25 vjet.

Nëse duam një X profesion, investojmë disa vite për të studiuar, dhe kështu me radhë.

Koha është flori, por koha është e kufizuar, të gjithë e kemi njësoj në dispozicion. Varet nga ne se si e përdorim atë. Koha është shumë më shtrenjtë se vetë paraja, pasi paraja, shtëpia, makina mund të zëvendësohet, ndërsa koha jo.

Në një libër dikur kam lexuar përgjigjen e kërmillit që e pyetën se çfarë zotëron ai që njeriu nuk e ka. ‘Unë kam diçka, që njerëzit duan ta kenë më shumë se çdo gjë tjetër, kam diçka të cilën do ma vidhnin, nëse mundeshin; – Unë kam kohë!”

Nga ana tjetër, koha nuk na mungon, ndonëse njerëzit ankohen shumë shpesh.

Ne kemi mjaft kohë, por e shpërndorojmë.

Nëse planifikojmë ditën dhe u qëndrojmë besnikë planeve dhe orareve tona, duke bërë fillimisht çdo ditë gjërat më të rëndësishme për ne, KOHA nuk do na mungojë kurrë, dhe nuk do të kemi nevojë ‘t’ia vjedhim’ kërmillit.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0