Jo të gjithë në departamentin e burimeve njerëzore janë pro AI.
ChatGPT mund të eliminojë 300 milionë role me kohë të plotë në të gjithë botën, sipas Goldman Sachs.
Por, ka një mënyrë tjetër që teknologjia e njohur mund t’ju kushtojë vendin e punës – nëse e përdorni për të shkruar CV-në tuaj ose letrën e motivimit.
Sipas gjetjeve të kompanisë së talenteve cloud iCIMS, “disa profesionistë të burimeve njerëzore janë të kujdesshëm ndaj kandidatëve që mbështeten tek ChatGPT, duke u dhënë atyre më pak pikë në procesin e aplikimit”.
Sipas raportit, i cili anketoi studentët e kolegjit dhe të sapodiplomuarit, 47% janë të interesuar të përdorin ChatGPT ose AI për të shkruar CV-të e tyre, ose letrat motivuese. 25% e Gen Z e kanë bërë tashmë këtë.
Kjo është pengesë për një numër të konsiderueshëm profesionistësh të burimeve njerëzore: Raporti zbuloi se 39% e tyre nuk do t’ia jepnin vendin dikujt që përdor teknologjinë AI gjatë punësimit.
Lexo: Ekspertët paralajmërojnë: Inteligjenca Artificiale mund ta sjellë zhdukjen e njerëzimit
Sigurisht, shumë punëkërkues do të vazhdojnë të përdorin mjetin e kursimit të kohës pa u zbuluar. Sipas një sondazhi nga Resume Builder, i cili anketoi më shumë se 1000 aplikantë aktualë, 7 në 10 që përdorën ChatGPT raportuan një shkallë më të lartë përgjigjieje nga kompanitë – dhe 78% arritën në fazën e intervistës.
Pavarësisht hezitimit të disa rekrutuesve, ata gjithashtu mund të përdorin përfitimet e ChatGPT. “Bots gjenerues të AI (si ChatGPT) kanë potencialin për të ndihmuar kandidatët dhe punëdhënësit të jenë më produktivë dhe të komunikojnë më mirë,” tha në raport shefi i teknologjisë iCIMS, Al Smith.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
