Këtë vit të kampionatit Europian po ndodh diçka që nuk ka ndodhur kurrë më parë.
Lojtarët si Cristiano Ronaldo, Paul Pogba dhe Locatelli kanë larguar nga tavolina gjatë konferencës për shtyp shishet e Coca-Cola dhe Heineken. Të gjithën e nisi Ronaldo kur largoi para pak ditësh 2 shishet e Coca-cola dhe mori një shishe ujë, me mesazhin që duhet konsumuar ujë për një shëndet më të mirë.
Pas tij, të njëjtin gjest ka bërë edhe mesfushori i Francës Paul Pogba, por këtë herë me një shishe Heineken gjatë një konference shtypi në Euro 2020.
Pogba, një mysliman praktikues, largoi shishen e birrës kur u ul të fliste për mediat të Martën pasi u emërua njeriu i fitores në ndeshjen 1-0 të Francës në Grupin F ndaj Gjermanisë.
Heineken, një nga sponsorët zyrtarë të Euro 2020, nuk komentoi menjëherë për këtë.
Por nuk ka mbetur vetëm me kaq edhe Locatelli, futbollisti i Italisë ka larguar shishet e Coca Cola duke marrë në tavolinë ujin.
Ronaldo, lëvizi shishet me coca-cola mënjanë ndërsa u ul për të folur për mediat përpara hapjes së të martës në Grupin F kundër Hungarisë.
36-vjeçari pastaj mbajti një shishe ujë dhe tha “Agua” në Portugez, duke bërë tituj në media të ndryshme.
Aksionet e gjigantit të pijeve ranë 1.6% të hënën, duke fshirë rreth 4 miliardë dollarë nga kapitalizimi i tregut të kompanisë, pas gjestit të Ronaldos.
Në një përgjigje, organi drejtues i futbollit në Europë UEFA tha: “Coca-Cola ofron një gamë pijesh për t’iu përshtatur shijeve dhe nevojave të ndryshme, të cilat janë në dispozicion të lojtarëve gjatë gjithë turneut.”
“Kjo përfshin ujëra, pije dhe lëngje isotonike sportive, kafe dhe çaj, si dhe Coca-Cola.”
Ajo që duket si reklamë e keqe ka bërë që këto dy sponosra të jenë në qendër të vëmendjes në të gjitha mediat dhe rrjetin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
