Çfarë po bën bota e teknologjisë për krizën e refugjatëve në Evropë?


Kohët e fundit është vështirë të ndezësh televizorin apo të klikoni lajmet në ueb dhe të mos ballafaqoheni me artikuj apo lajme rreth krizës së refugjatëve. Lufta civile në Siri dhe largimi masiv i shtetasve të këtij vendi ka ngjallur reagimin e publikur të gjërë. Njerëz kudo po përpiqen sadopak të ndihmojnë në lehtësimin e kësaj situate si një kundërpërgjigjie ndaj përgjumjes së institucioneve shtetërore të vendeve të prekura më së shumti.

Edhe industria e teknologjisë kërkon të shtrijë një dorë ndihme. Nuk është një ndihmë financiare si ajo e Google, Airbnb dhe Kickstarter, por janë përpjekjet e disa individëve dhe grupeve duke krijuar platforma dhe struktura të cilat e bëjnë më të lehtë ofrimin e ndihmave humanitare tek të gjithë të prekurit.

Zhvilluesit kanë krijuar harta mobile
Hartat mobile janë një element kyç në rrugëtimin e refugjatëve drejt një vendi të sigurtë. Hartat e Google, një GPS apo një pajisje tjetër e ngjashme mund t’u shpëtojë jetën.

Arriving in Berlin është një nismë dedikuar refugjatëve sirianë. Ofron akses në shërbime lokale, informacion rreth doktorëve që flasin gjuhën arabe dhe informacion rreth librarive me akses në internet.

Organizata humanitare Global Initiative ka punuar bashkërisht me zhvillues vullnetarë të Techfugees për të krijuar një databazë hartash dhe rrugësh. What3words, fituesi i Innovation Grand Prix në festivalin e kreativitetit në Lion, ofronte një nga platformat më interesante të hartave. Për njerëzit që jetojnë në kampe refugjatësh, ky sistem bën të mundur ushtrimin e disa të drejtave bazike si raportimi i një krimi, kujdesi shëndetësor dhe pranimi i dërgesave.

Por për refugjatët ekzistojnë sfida të shumta dhe këtu përfshihen edhe diferencat gjuhësore dhe kulturore të cilat shërbejnë si pengesë edhe për shërbimet më bazike siç është kërkimi i ndihmës.

Ndërsa fokusi i një startupi finlandez quajtur Funzi konsistonte në ofrimin e ndihmës për vendet afrikane, tani startupi ka krijuar disa seri mësimi për refugjatët në Finlandë ku përfshihen burime të gjuhës, komunikimit dhe të drejtave ligjore.

Edukimi dhe Punësimi
Ajo që diferencon sektorin e teknologjisë nga të tjerët është lehtësia në transferimin e profesioneve nga një kontinent tek tjetri. Duke bashkuar përpjekjet ndaj sfidave të papunësimit për refugjatët, disa kreativë nga vende të ndryshme të botës kanë lançuar I Am Not a Refugee, një uebfaqe dizenjuar për t’i ndihmuar në gjetjen e vendeve të punës.

Madje një startup finlandez ka krijuar “Startup Refugees”, një rrjet ndërtuar në bashkëpunim me institucionet shtetërore për të ofruar internshipe profesionale për refugjatët të cilët një ditë do të kenë mundësi ligjërisht të ushtrojnë profesionin e tyre.

Në Berlin vullnetarët kanë krijuar Refugee on Rails, një shkollë kodimi për refugjatët në këtë qytet. Kjo nismë ofron mësim të kodimit për fillestarët por edhe ata që kanë ndërprerë studimet.

/PCWorld Albanian/

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale