“Ne gjithmonë kemi punuar që të përmirësojmë eksperiencën e shpërndarjes me anë të Dropbox. Skedarët publik u prezantuan si një mënyrë për të shpërndarë dhe që atëherë, ne kemi ndërtuar mënyra më të mira që ju të shpërndani në mënyrë të sigurtë dhe të punoni së bashku me grupin tuaj. Si rezultat, ne së shpejti do të përfundojmë këtë mbështetje për skedarë publik në Dropbox,” tha skuadra e Dropbox në e-mail.
Kompania ka deklaruar se përdoruesit bazë të Dropbox do të jenë të aftë që të përdorin skedarët publik deri më 15 mars, 2017. Pas kësaj date, skedarët publik do të bëhen privat automatikisht.
Dropbox javën e kaluar prezantoi një funksionalitet të ri që i lejon përdoruesit që të ruajnë dosje për shikim offline në një pajisje mobile. Ky funksionalitet krejtësisht i ri ishte i gatshëm për përdoruesit e versioneve më të fundit të Dropbox Pro, Dropbox Bussiness, Dropbox Enterprise në Android. Kompania premtoi se funksionaliteti offline do të arrinte edhe në pajisjet iOS vitin tjetër. Dropbox dhe konkurrentët e tyre, si Microsoft OneDrive, e kanë ofruar më parë funksionalitetin offline për skedarë, megjithatë, kompania tha se është shërbimi i parë madhor që ofron një funksionalitet offline për dosje të tëra.
Burimi: pcworld.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
