Çfarë ndryshimesh ka sjell Google Maps në ndihmë të përdoruesit? - Business Magazine Albania

Çfarë ndryshimesh ka sjell Google Maps në ndihmë të përdoruesit?


Google ka përditësuar aplikacionin e “Google Maps” në Android me ndryshime të cilat synojnë t’a bëjnë informacionin lehtësisht të aksesueshëm.

Me një gjest të vetëm mbi ndërfaqen kryesore, përdoruesit do të marrin informacion për trafikun, itineraret e autobuzëve dhe trenave, vendeve për të ngrënë, ATM-ve që ndodhen afër, farmacive e shumë të tjera.

Pasi të keni rrëshqitur gishtin nga poshtë lart sapo të keni hapur aplikacionin do të vëreni tre seksione të reja të destinacioneve, trafikut dhe itinierareve përfaqësuar nga tre ikona të vogla.

Në seksionin e parë përdoruesit do të marrin një listë restorantesh të përzgjedhura nga Google dhe të organizuara në kategori si “ushqim i lirë,” “drekë biznesi” etj. Këto rekomandime mbërritën për herë të parë në 2015-tën në SHBA dhe u zgjeruan në mbarë botën. Përveç vendeve për të ngrënë, ky seksion do të ofrojë informacion për destinacionet si ATM-të bankare, farmacitë, supermarketet, pikat e karburantit dhe të tjera dyqane.

Në seksionin e dytë do të gjeni informacione të trafikut në kohë reale mes dy destinacioneve, shtëpisë dhe punës. Përditësimi sjell një veçori të dobishme e cila aktivizohet duke klikuar “Start Driving”. Google Maps do ju lajmërojë për vonesa që mund t’ju presin gjatë rrugës si rezultat i trafikut.

Në seksionin e tretë dhe të fundit përdoruesit do të gjejnë informacione rreth itinerareve të fundit të trenave dhe autobuzëve. Gjithashtu do t’u ofrohet informacion edhe për kohëzgjatjen e udhëtimit.

Shumica e këtyre veçorive kanë qenë pjesë e Google Maps por me versionin e ri të aplikacionit ato janë më të prekshme dhe “më afër” përdoruesit.

Google tha se aplikacioni i përditësuar është i disponueshëm në Android, duke mos dhënë detaje për homologun në iOS. Zakonisht çdo ndryshim i aplikuar në Android mbërrin në iOS nga 4-6 javë më pas.

Burimi: pcworld.al 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0