Fontana di Trevi në Romë ka një traditë të vjetër: nëse qëndroni me shpinë nga shatërvani dhe hidhni një monedhë nga krahu i majtë ju automatikisht keni të garantuar një udhëtim kthimi në Romë. Çdo ditë me mijëra njerëz marrin pjesë në këtë traditë, e cila grumbullon rreth 15,000 dollarë në javë ose 1 milionë dollarë në vit nga monedhat e mbledhura.
Ky shatërvan ka kaq shumë prurje prandaj çdo ditë Shoqata Katolike Romake e bamirësisë Caritas e pastron shatërvanin dhe i shpërdan paratë te njerëzit në nevojë. Ata madje kanë hapur një supermarket me kosto të ulët në vitin 2008 nga mbledhja e shumtë e monedhave.
Ndërkohë që shatërvani i Trevi-it duhet të pastrohet çdo ditë, shatërvanë të tjerë të famshëm mbledhin të ardhurat e tyre çdo muaj. Liqeni në Las Vegas Bellagio grumbullon rreth 12,000 dollarë në vit dhe përdor një sistem efikas pastrimi. Një fshëse elektrike gjigande përdoret për të hequr çdo gjë nga dyshemeja e liqenit.
Në të njëjtën mënyrë, shatërvanet në Qendrën Tregtare në Amerikë në Minnesota grumbullojnë rreth 2000 dollarë në muaj, të cilat dhurohen për organizata bamirësie dhe jofitimprurëse. Shatërvanet në 24 Rainforest Cafes grumbullojnë rreth 25000 dollarë në vit, të cilat dhurohen për bamirësi mjedisore.
Ndërsa shatërvanet në Disney World mblodhën 18,000 dollarë në vitin 2014, para këto që u dhuruan për fëmijët në jetimore.
Prandaj nëse iu bie rruga në këto vende me shatërvane, mos i kurseni monedhat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
