Disa javë më parë, Stephanie Mehta, CEO i “Mansueto Ventures”, shkroi një artikull duke propozuar që cilësia më e rëndësishme që duhet të kenë CEO-t është modestia. Sipas Tim Ryan, një partner në “PricewaterhouseCoopers” në SHBA, udhëheqësit modernë duhet të jenë të guximshëm, të gatshëm të marrin rreziqe, të pranojnë dështimet dhe të kenë modestinë për të korrigjuar gabimet e tyre.
Disa lexues nuk u ranë dakort me idenë se modestia është karakteristika më e rëndësishme për CEO-të. Konsulenti Brian Faulkner beson se të jesh një person empatik është më e rëndësishme, pasi kërkon një kuptim të thellë të sfidave dhe mundësive të ndryshme me të cilat përballet një lider. Ndërkohë, David Meadvin argumenton se autenticiteti është edhe më thelbësor, veçanërisht për shefat ekzekutivë më të rinj. Ai thekson rëndësinë e të qenit të vetëdijshëm me pikat e forta dhe të dobëta të dikujt, duke sugjeruar se mund të jetë më efektive të kërkosh të tjerë që janë më të pajisur për të përballuar detyra të caktuara.
lexo edhe:Mos i bëni asnjëherë këto veprime, nëse nuk doni ta kufizoni suksesin e biznesit tuaj
Empatia, autenticiteti dhe modestia janë të treja njësoj të rëndësishme, ndoshta për disa njëra më shumë se tjetra. Këto cilësi dikur u hodhën poshtë si “aftësi dytesore”, por tani njihen si komponentë thelbësorë të lidership-it.
Ato janë të ndërthurura bashk. Pyetem Mark Smucker, president dhe CEO i kompanisë ”J.M. Smucker”, se çfarë do të thotë autenticiteti për të. “Empati për punonjësit e tij dhe modesti duke pranuar se ai nuk i ka të gjitha përgjigjet.” U pergjigj ai.
Ai beson se autenticiteti përfshin të qenit i vërtetë dhe i mendjehapur. Ai dëshiron që punonjësit e tij të kuptojnë jo vetëm atë që po bën kompania, por edhe arsyet e këtyre veprimeve. Ai pranon se fuqia e tij punëtore përbëhet nga individë me role të ndryshme jashtë punës, si prindërit, fëmijët, miqtë dhe të tjerë të rëndësishëm. Ai i vlerëson dhe respekton këto role dhe përgjegjësitë që vijnë me to. Për më tepër, ai beson në njohjen dhe adresimin e sfidave në mënyrë që ekipi të mund të bashkëpunojë për të marrë vendimet më të sakta.
Cili tipar ka më shumë rëndësi për ju?
A mund të konsiderohet empatia, autenticiteti ose modestia tipari kryesor i CEO-ve? Mund të argumentohet se përgjigja është një kombinim i të treve.
Cilat cilësi thelbësore të lidershipit besoni se janë të nevojshme për një udhëheqës modern? Ndani mendimet tuaja
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
