Në një biznes, kërko për njerëzit të cilët kanë aftësi dhe përvojë që në të ardhmen të kthehen në partnerin tuaj. Kjo mund të duket si një marrdhënie e përkryer nëqoftëse gjeni dikë që mendon si ju, por kjo nuk do të zgjerojë perspektivën tuaj dhe në përgjithësi do të çojë në mosmarrëveshje në detaje. Inovatorët dhe inxhinierët kanë nevojë për njerëz të biznesit dhe gjithashtu kanë nevojë për një perspektivë logjike për të balancuar ëndrrat e tyre.
1. Konsideroni të zhvendoseni në një mjedis të startupeve më miqësore
Përballuni me realitetin. Nëse keni vështirësi në gjetjen e partnerëve dhe anëtarëve të ekipit pranë jush, ju mund të përpiqeni të gjeni investitorë dhe këshilltarë. Është më e lehtë për të lëvizur, para se të keni investime të mëdha lokale dhe njerëz në varësi. Tani është koha për të vendosur prioritete në mënyrën e jetesës dhe të veproni për ato.
2. Ndani qëllimin tuaj përtej miqve dhe familjes
Mënyra më e mirë për të filluar një biznes është të krijosh lidhje përmes grupeve lokale dhe forumeve online. Është gjithmonë e vlefshme të ndërtosh marrëdhënie me themelues të tjerë të startupe-ve, si dhe këshilltarë për startup-et dhe investitorë. Bëni një listë të aftësive dhe përvojave që ju me të vërtetë keni nevojë, për të ndërtuar ekipin më të fortë.
3. Bëni kërkime ne internet mbi Crowdfunding* dhe faqet për të bërë takime biznesi
Sfida është që të gjeni njerëz me interesat tuaja. Partnerët dhe ekipet “e largëta” janë shumë të zakonshme sot, kështu që mos kini frikë për të kontaktuar të tjerë, duke përfshirë edhe konkurrentët. Shembuj të faqeve për takime të bashkë-themeluesve përfshijnë Build It With Me, CoFoundersLab dhe Founder2be.
4. Kërkoni në fusha të tjera të biznesit dhe kultura të tjera
Shpesh ndihma që ju duhet është jashtë rrethit të të njohurve, dhe më shumë në marketing, shpërndarje ose prodhim. Ajo mund të jetë jashtë vendit tuaj ose në një kulturë tjetër. Shumë sipërmarrës jashtë SH.B.A. duan të bëjnë partneritet me dikë tjetër jashtë shtetit të tyre, për të sjellë më shumë gjëra të reja.
5. Nuk duhet nënvlerësuar vlera e përvojës dhe lidhjeve
Çdo sipërmarrës për herë të parë duhet të gjej një bashkë-themelues i cili ka ndërtuar një startup më parë. Përtej kësaj, lidhjet me investitorët, furnizuesit, distributorët dhe klientët kryesorë të mundshëm janë pothuajse gjithmonë më të vlefshme se aftësitë teknike të biznesit.
6. Testojeni partnerin potencial jashtë zyrës.
Marrëdhëniet e bashkë-themeluesve të startup-eve duhet t’i mbijetojnë stresit, mospajtimeve dhe ndryshimeve në vazhdimësi. Harxhoni kohë për të mësuar për një partner të mundshëm në një nivel personal dhe emocional, në biznes dhe në nivelin teknik. Bashkë-themelues nënkupton një marrëdhënie afatgjatë.
7. Negocioni që në fillim detyrat e gjithësecilit
Edhe pse ju mund të keni një pamje të qartë të përgjegjësive të bashkë-themeluesit tuaj, ai ndoshta nuk përputhet me mendimin e tij. Një marrëveshje e thjeshtë, e nënshkruar nga të dyja palët dhe e përditësuar çdo gjashtë muaj, do të parandalonte dështime në të ardhmen dhe padi që kanë shkatërruar shumë startup-e premtuese.
Crowdfunding* është krijimi i një projekti ose biznesi duke mbledhur pak para nga shumë njerëz, zakonisht nëpërmjet internetit.
Burimi: en.paperblog.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
