Çfarë bëjnë njerëzit e suksesshëm të dielën në mbrëmje? - Business Magazine Albania

Çfarë bëjnë njerëzit e suksesshëm të dielën në mbrëmje?


Mbrëmja e së dielës është një nga netët më stresuese të njerëzve, sipas një sondazhi nga Monster.com, sipas të cilit rreth 78 % e njerëzve e përjetonin mbrëmjen e së dielës si më të tmerrshme nga të gjitha ditët.

Kjo, sepse u kujton atyre javën e re dhe të ngarkuar që i pret të nesërmen. Por mbrëmja e së dielës të ndihmon për të parashikuar një javë të mbarë dhe të qetë, nëse mësohesh që ta organizosh siç duhet.

Por Laura Vanderkam në librin e saj “Çfarë bëjnë njerëzit e suksesshëm të dielën”, jep 12 këshilla se si të ktheni të dielat në një ditë suksesi. Zakonisht, njerëzit e suksesshëm e kanë mbrëmjen e së dielës një nga momentet e tyre më të mira, sepse përgatiten që të hyjnë në javën e re me këmbën e djathtë.

Ja çfarë bëjnë ata:

Shpenzojnë kohë me familjen dhe miqtë

Sepse e dinë që java do të jetë e gjatë dhe më e mbarë, nëse kalojnë më shumë kohë me të dashurit e tyre.

Planifikojnë diçka argëtuese

E hëna vjen shumë shpejt dhe për ta pritur mirë, njerëzit e suksesshëm e konsiderojnë diçka shumë të rëndësishme që mbrëmjen e së dielës të fokusohen në gjërat argëtuese me familjarët.

Organizojnë planin e javës

Disa njerëz të suksesshëm kanë dëshirë të shohin kalendarin dhe të vendosin objektivat e javës qysh në mbrëmjen e së dielës.

Bëjnë ushtrime

Njerëzit e suksesshëm i kushtojnë rëndësi aktivitetit fizik të dielave. Shëtisin, luajnë lojëra të ndryshme, tenis, ose shkojnë në palestër.

Hanë shëndetshëm

Këtë e bëjnë gjithmonë, por sidomos mbrëmjet e së dielës kalojnë kohë për të ngrënë ushqimin e tyre të preferuar. Alkooli nuk zë vend tek ata këtë mbrëmje, sepse e hëna nuk duhet të nisë me dhimbje koke. Një vakt i shëndetshëm dhe çaj bimor me limon është ideal.

Lexojnë

Shumë njerëz të suksesshëm e kanë rutinë të lexuarin, kështu që edhe e diela në mbrëmje nuk bën përjashtim nga kjo.

Telefonata dhe e-mail

Shpesh përfitojnë edhe për t’iu përgjigjur telefonatave dhe email-eve që nuk kanë mundur t’u japin rëndësi gjatë javës.

Pushojnë

Pas telefonatave, ndërsa e dinë se java do të jetë super e ngarkuar, kjo mbrëmje ka nevojë për më shumë relaks dhe njerëzit e suksesshëm e dinë mjaft mirë këtë. Qetësi për trupin dhe mendjen.

Ndjekin të gjitha angazhimet

Ndërsa kanë bërë premtime për t’i realizuar javën e kaluar, ata gjithmonë e gjejnë mundësinë për t’i realizuar. Kështu, këtë mbrëmje ata angazhohen për gjëra të reja që duhet t’i arrijnë gjatë javës.

Reflektojnë

Darka mund të jetë një moment mjaft i mirë për të kthjelluar ndjenjat, sidomos nëse mbrëmja e së dielës është ajo periudhë stresuese që kalojnë të gjithë. Një mënyrë e mirë është edhe për t’i shkruar ndjesitë dhe perspektivat e javës. Kjo bën mirë për t’u qetësuar.

Kontribuojnë si vullnetarë

Një mënyrë tjetër mjaft e mirë, sipas specialistëve, është edhe të japësh kontributin si vullnetar aty ku dikush ka nevojë. Asgjë më shumë se kjo nuk do të ta heqë stresin para një jave të gjatë e të mbushur. Është një moment për të qenë më human dhe për ta ndier veten me të lehtë.

Pozitivitet

E mbyllin të dielën me një shënim: E hëna do të vijë, pavarësisht mënyrës se si ndihesh, kështu që përpiqu të mbledhësh sa më shumë energji pozitive dhe të reflektosh mbi përvojat pozitive të fundjavës.

/BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0