Certifikohen menaxherët e parë të eksportit të trajnuar profesionalisht - Business Magazine Albania

Certifikohen menaxherët e parë të eksportit të trajnuar profesionalisht

menaxherët e eksportit

Menaxherët e Parë të Eksportit të Trajnuar Profesionalisht Tanimë të Certifikuar dhe të Gatshëm për të Ofruar Ekspertizën e Tyre për Bizneset dhe Eksportuesit.

Pas ndjekjes së një programi 9-javor, 35 studentë të programit Master dhe përfaqësues të sektorit të eksportit janë certifikuar për të ofruar shërbime këshillimi për bizneset në sektorin bujqësor që dëshirojnë të eksportojnë në tregje me vlera të larta.

Bizneset dhe eksportuesit shqiptarë që kanë nevojë për menaxherë dhe forcë pune të kualifikuar në fushën e eksportit, tani kanë mundësinë të punësojnë menaxherë të trajnuar profesionalisht në këtë aspekt. Me mbështetjen e RisiAlbania, një projekt i Agjencisë Zvicerane për Zhvillim dhe Bashkëpunim SDC, 23 studentë nga Universiteti Bujqësor i Tiranës dhe 12 perfaqësues nga kompanitë e eksportit të fruta perimeve iu nënshtruan një trajnimi të posaçëm 9-javor për Menaxhimin e Eksportit.

Köstinger Consulting me qendër në Austri  zhvillon për herë të parë këtë program në Shqipëri. Ky program synon zhvillimin e mundësive për vende pune për të rinjtë në NVM-të shqiptare që dëshirojnë të rrisin biznesin e tyre sa i takon eksportit dhe që kanë nevojë të përdorin njohuri dhe aftësi specifike për këtë fushë në kompaninë e tyre. Gjithashtu programi synon të stimulojë dhe rriti aftësitë tek punonjësit ekzistues të eksportuesve për të përmirësuar praktikat në menaxhimin e eksportit.

Ceremonia zyrtare për Diplomimin dhe Shpërndarjen e Certifikatave do të zhvillohet me datë 6 korrik në orën 11.00 në ambientet e Universitetit Bujqësor në Tiranë.

Kursi i specializimit ExportStars Sustainable Export Manager (Menaxher për Eksportin e Qëndrueshëm) është një kurs 9-javor në distancë që përqendrohet tek zhvillimi i bizneseve të eksportit në mënyrë strategjike, gjë që e bën atë unik krahasuar me kurset e tjera në këtë fushë, pasi bën të mundur transmetimin e njohurive më të shumta në lidhje me operacionet e eksportit. Programi përfshin teste vetëvlerësimi, raste studimore, provime dhe një projekt përfundimtar shumëplanësh. Temat e përfshira janë studimi i tregut, pajtueshmëria me tregtinë ndërkombëtare, operacionet e eksportit, qëndrueshmëria në kompetencat ndërkulturore tregtare, marketimi, financat e eksportit etj.

Qëllimi i këtij programi është edukimi i pjesëmarrësve nëpërmjet një qasjeje shumë praktike me projekte të jetës reale në mënyrë që të arrijnë të përdorin njohuritë e tyre menjëherë në një pozicion pune si menaxherë eksporti në NVM dhe të orientojnë biznesin e eksportit në NVM-të shqiptare. Rekrutimi i një fuqie punëtore të mirë-kualifikuar dhe të pajisur me njohuri në fushën e menaxhimit të eksportit mund të jetë me shumë përfitim për bizneset shqiptare që synojnë të futen në tregjet e BE-së.

Grupi në fjalë mori mbështetje nga disa prej kompanive më të mëdha tregtare bujqësore në Shqipëri. Roli i tyre ishte të ndihmonin studentët e universitetit për kapërcimin e disa sfidave të caktuara në fushën e eksportit, që përbënte edhe detyrën përfundimtare të studentëve. Qëllimi i bashkëpunimit me këto kompani është zgjerimi i rrjetit midis studentëve dhe kompanive.

Për më tepër, ky trajnim praktik i posaçëm rrit edhe punësueshmërinë e të diplomuarve të rinj në sektorin e agro-biznesit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0