CEO i Përgjithshëm i Moderna-s, Stephane Bancel tha se është “e arsyeshme” të supozohet se mund të jemi drejt fazave përfundimtare të pandemisë.
“Unë mendoj se ky është një skenar i arsyeshëm,” tha ai për “Squawk Box Asia” të CNBC, kur u pyet për pikëpamjet se pandemia Covid-19 tani mund të jetë në fazat e saj përfundimtare.
“Ka 80% shanse që ndërsa evoluon omicron ose virusi SarsCov-2, ne do të shohim gjithnjë e më pak viruse virulente”, tha ai të mërkurën.
Ai tha gjithashtu se ka një tjetër “skenar me 20%”, ku mund të shohim një mutacion tjetër edhe më virulent se omicron”.
“Mendoj se patëm fat që omicron nuk ishte shumë virulent, por gjithsesi, shohim mijëra njerëz që vdesin çdo ditë në mbarë planetin për shkak të omicron”, tha ai.
Sipas Organizatës Botërore të Shëndetësisë, janë raportuar 15.47 milionë raste të reja në 7 ditët e fundit në mbarë botën dhe 73.162 vdekje në të njëjtën periudhë.
Disa studime kanë treguar se ndërsa varianti omicron duket më ngjitës, ai në përgjithësi nuk I sëmur njerëzit aq sa delta.
Zyrtarët e shëndetësisë kanë theksuar gjithashtu se kërcënimi i omicron mund të zbehet.
Por, kreu i Organizatës Botërore të Shëndetësisë, Dr. Tedros Adhanom Ghebreyesus, paralajmëroi në janar se është e rrezikshme të supozohet se pandemia po i afrohet fundit. Në fakt, ai tha se “nuk është askund afër” dhe paralajmëroi se variante të reja ka të ngjarë të shfaqen ndërsa omicron përhapet me shpejtësi në të gjithë globin.
Kryekëshilltari mjekësor i Shtëpisë së Bardhë, Dr. Anthony Fauci tha gjithashtu muajin e kaluar se është ende një “pyetje e hapur” nëse varianti omicron do të shënojë valën përfundimtare të pandemisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
