Janë 8 vite punë në implementim të suksesshëm të projekteve, zhvillimin e programeve të avancuara për komunitetin e sipërmarrësve, organizimin e shumë ngjarjeve, trajnimeve për ngritje të kapaciteteve, rrjetformim dhe B2B takimeve, po ashtu në mbështetjen e komunitetit të biznesit me qëllim rritjen dhe depërtimin në tregjet ndërkombëtare, si dhe ofrimin e mentorimit dhe këshillimeve për bizneset në Kosovë.
Ajo që sot e karakterizon CEED-in në Kosovë, është rrjeti i gjerë që ka krijuar me sipërmarrës dhe menaxherë të lartë me një nivel të njëjtë të të menduarit, një lëvizje e ndërmarrësve që bashkëpunojnë me njëri tjetrin, duke ndarë sfidat dhe rreziqet që lidhen me kompanitë e tyre në rritje. Këta sipërmarrës janë edhe motori i ekonomisë së vendit, prandaj ne jemi të lumtur që jemi gjithmonë në shërbim të tyre.
Për të operuar 8 vite në treg, sidomos në rolin që CEED-i ka, nuk ka qenë e lehtë, prandaj edhe duam t’i falenderojmë ata që ndihmuan dhe e bëjnë CEED-in, pra vetë sipërmarrësit, miqtë dhe mbështetësit e CEED-it, mentorët dhe mysafirët e nderit, si dhe donatorët tanë, si dhe një falendërim të veçantë zyrës qendore të CEED Global në Washington DC dhe themeluesit tonë, fondit investues SEAF.
Në vazhdim dëshirojmë të ndajmë me ju disa të arritura të CEED-it në numra në një video të shkurtër:
https://www.youtube.com/watch?v=Oe-fYjuviG0&feature=youtu.be&ct=t%288_Years_of_CEED_Kosovo_9_5_2017%29&mc_cid=315ab1d505&mc_eid=71fbd3e85f
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
