Business Magazine nis bashkëpunimin me Codefest

Business Magazine nis bashkëpunimin me Codefest


Çfarë është Codefest?

Codefest është një maratonë programimi që zgjat 32 orë e projektuar për studentët e teknologjisë nga Maqedonia dhe rajoni. Gjatë këtij konkursi, pjesëmarrësit punojnë në skuadër për të ndërtuar dhe programuar idetë e tyre. Sfida është të zhvillohet një prototip nga idea e tyre për 32 orë. Përveç adrenalinës së maratonës 32 orëshe të programimit, ju do të keni mundësi të punoni me disa nga mentorët më të mirë të rajonit dhe botës, që do të jenë prezent për të mbështetur pjesëmarrësit gjatë eventit.

Në mënyrë që ky konkurs të ketë një cilësi më të lartë, janë ftuar një grup ekspertësh që do të shërbejnë si gjyqatarë për idetë. Këta ekspertë vijnë nga fusha të ndryshme si teknologjia, sipërmarrja, investimi dhe zhvillimi i produkteve.  Kjo është një mënyrë e mirë për të marrë fonde nga investitorë të ndryshëm. Codefest është pjesëtare e Major League Hacking ( MHL), që do të thotë një mundësi e mirë për t’u njohur ndërkombëtarisht për skuadrat më të mira.

Gjatë tre viteve të mëparshme, në Codefest kanë konkurruar 400 pjesëmarrës, 80 projekte, 30 kompani partnere, 10 bashkëpunues të përvitshëm dhe 5 projekte kanë marrë investime. Për më shumë informacion për aplikimin mund të kontrolloni: http://www.codefest.eu/marathon

Ju mund të aplikoni deri në 15 mars. Bashhkohuni në Maratonën Codefest dhe sfidoni veten!

Businessmag-nis-bashkëpunimin-me-codefest-businessmag

Tri qëllimet e Codefest 2016

Të gjithë pjesëmarrësit gjatë Maratonës Codefest do të kenë hyrje të lirë në Codeference, që është një risi për eventin këtë vit. Codeference është një konferencë  ku marrin pjesë njerëz të zgjuar,  të suksesshëm, frymëzues, kompani, institucione edukimi etj. Kjo është një përpjekje për të mbledhur së bashku elementë të rëndësishëm të ekosistemit teknologjik dhe për të nxitur ndërtimin e sipërmarrjeve të reja në teknologji nga të rinjtë.

Codeference është projektuar si një festë e teknologjisë, sipërmarrjes dhe inovacionit, ku mund të takoni disa nga mendjet më krijuese që fshihen pas koncepteve, produkteve dhe shërbimeve që janë ndërtuar në rajon dhe Europë. Gjithashtu, ju do të keni mundësinë të mësoni disa aftësi të reja dhe  të zgjeroni rrjetin tuaj të kontakteve që mund të ndryshojnë karrierën dhe biznesin tuaj. Për të marrë më shumë informacion vizitoni dhe zini vendin tuaj në: http://www.codefest.eu/codeference.

Gjatë këtyre tre ditëve të Codeference dhe Codefest Marathon, një ekspozitë biznesi do të mbahet, për të mbledhur të gjithë aktorët kryesorë të teknologjisë, kompanive dhe institucioneve. CF X- Business Expo është e hapur për të gjithë të interesuarit që duan të takojnë njerëz të suksesshëm të teknologjisë dhe biznesit. Më shumë informacion mund të gjeni në:  http://www.codefest.eu/cfexpo.

Businessmag-nis-bashkëpunimin-me-codefest-businessmag

Bashkohuni në një event të madh

Ne jo vetëm ju ftojmë të merrni pjesë në këtë ngjarje, por gjithashtu të bëheni pjesë e diçkaje të madhe, një eventi që do të bëjë histori. Jeta fillon, aty ku mbaron zona juaj e rehatisë, kështu që sfidoni veten tuaj dhe tregojini botës madhështinë tuaj.

Kjo ngjarje do të zhvillohet gjatë datave 15-17 Prill, 2016 në një hotel të bukur, pranë brigjeve të Liqenit të Ohrit Inex Gorica.

Për më shumë informacion, kontaktoni me organizatorët në adresën hello@codefest.eu.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0