OpenAI, pionieri në fushën e inteligjencës artificiale, planifikon të lançojë modelin e ri GPT-5 që në muajin gusht, raportoi të enjten The Verge, duke cituar burime të afërta me zhvillimet.
Modeli i ri, i cili pritej të dilte gjatë verës, do të prezantohet si një sistem AI që përfshin modele të ndryshme dhe është i aftë të kryejë funksione të shumta – ndryshe nga një model i vetëm, siç ka qenë praktika deri tani. Startup-i që mbështetet nga Microsoft, GPT-5, do të integrojë modelin o3 bashkë me teknologji të tjera, siç ka deklaruar CEO i OpenAI, Sam Altman, në muajin shkurt, me synimin për të thjeshtuar ofertat e kompanisë.
Lexo edhe:Shqipëria në zonën SEPA, Sejko: Më 7 tetor të gjitha bankat plotësisht operacionale!
Në planin afatgjatë, OpenAI synon të bashkojë seritë e modeleve “o” dhe “GPT”, duke ndërtuar sisteme të avancuara që përdorin një gamë të gjerë mjetesh dhe që janë të afta të kryejnë detyra të ndryshme.
“Edhe pse duket se GPT-5 do të debutojë në fillim të gushtit, datat e lançimit të planifikuara nga OpenAI shpesh ndryshojnë për shkak të sfidave të zhvillimit, kapacitetit të serverëve ose si reagim ndaj lançimeve apo rrjedhjeve të modeleve konkurruese,” thuhet në raportin e The Verge.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
