Bursa e Energjisë, Konfindustria kërkon të nisë punën


Konfindustria mbështet vendimin e qeverise dhe kërkon fillimin sa më shpejt të funksionimit të bursës së energjisë. Sipas saj, kjo do të rriste garantimin e furnizimit me energje dhe mund të uljë  çmimin për biznesin dhe qytetarët.

Administratori i saj Gjergj Buxhuku kërkon gjithashtu të ruhet integriteti i modelit të ndërtimit të Bursës për të shmangur rrezikun e spekulimeve dhe keqpërdorimit të mundshëm të saj.

“Bursa e energjisë është e mundur të jetë edhe institucioni i parë i përbashkët Shqipëri-Kosovë dhe mbështetëse e fuqishme e krijimit të tregut kombëtar shqiptar.  Ajo është hallkë e munguar dhe e vonuar e procesit të liberalizimit të tregut të energjisë të filluar disa vite më parë, pjesë e integrimit të vendit në BE”, thuhet në deklaratë.

Tregu i shit-blerjes së energjisë elektrike është nga më të rëndësishmit në Prodhimin e Përgjithshëm Bruto të vendit me mbi 400 milion euro/vit transaksione.

Konfindustria vlerëson se, “masa e korrupsionit të përfolur në vite në tregun e shitje-blerjes së energjisë elektrike ka qenë e lartë. Megjithëse, ka një përmirësim në vitet e fundit, si pasojë e drejtpërdrejtë e cilësisë së ulët të menaxhimit, strukturës së ndërtimit dhe korrupsionit në tregun e shitje-blerjeve të energjisë elektrike, Shqipëria ka sot çmimin e energjisë nga më të lartët në rajon për bizneset. Në mënyrë të përafërt llogaritet se mbi 15% e çmimit përfundimtar të energjisë elektrike për konsumatorët fundorë vjen si pasojë e subjektivizmit dhe korrupsionit në sektor”.

Lexo: Konfindustria: FMN ka përgjegjësi për dështimin e politikave ekonomike në vend
Çmimi i lartë i energjisë elektrike, sipas përfaqësuesve të energjisë, godet rëndë kostot e prodhimit dhe shërbimeve të gjithë bizneseve, industrive dhe ekonomisë kombëtare, ul fuqinë konkuruese të prodhimit dhe shërbimeve dhe pengon rritjen e investimeve të huaja.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale