Bulizmi Online… fenomen në rritje - Business Magazine Albania

Bulizmi Online… fenomen në rritje


Shkruar nga Kostandin Feshti

Bulizmi po shtrihet edhe online, aq sa është bërë edhe temë e disa filmave kinematografikë.

Jo më kot, pasi është realiteti i hidhur i përditshmërisë së sotme.

Sikur të mos mjaftonte bulizmi verbal e fizik nëpër oborret e shkollave dhe rrugët e fshehura të qytetit, vitet e fundit na është bashkuar dhe “bulizmi online”.

Fenomeni ku njerëz, të cilët të kanë inat apo të xhelozojnë, me apo pa arsye, ulen prapa ekranit të kompjuterit apo rehatohen pas celularëve të tyre, e nisin të vjellin vrer kundrejt teje. Qëllimi kryesor është të lënduarit dhe ndrydhja e personalitetit tënd.

Sipas statistikave të ndryshme nga revista prestigjoze si “TIME” apo “HUFFINGTON POST”, vitet e fundit kemi të bëjmë me një rritje të nivelit lidhur me bulizmin online.

Gati 65.8% e të rinjve i kundërpërgjigjen këtij bulizmi, 15.8% të rinj mundohen të evitojnë vajtjen në shkollë dhe 4.5% konfrontohen në një zënkë fizike me personin që po i bulizon. Gjithashtu një studim tjetër i kryer nga faqja “Bullying Statistics” tregon se 92.6% e “bulizmit online” ndodh në rrjetin social “Facebook”, 23.8% ndodh në “Twitter”, 17.7% në “MySpace” dhe së fundmi mbyllet lista me 15.2% e këtij bulizmi me strehë në një nga rrjetet më të mëdha “Instagram”.

Ajo çfarë e përkeqëson edhe më shumë situatën është fakti se vetëm 1 nga 10 adoleshentë u rrëfen prindërve se ka rënë pre apo vazhdon të jetë viktimë e “bulizmit online”.

Pra, kemi të gjitha këto statistika e studime, të cilat na tregojnë se në mbarë botën kemi të bëjmë me një fenomen të sëmurë, ku persona, të kamufluar pas një profili fals përgënjeshtrojnë e tallin persona e individë të tjerë.

Me këto numra e përqindje na parashtrohet fakti se kudo ke ofendime të rënda, email-e kërcënuese, shkrime denigruese, telefonata pa kontakt e numër, të cilat nuk kallëzohen dhe as ndëshkohen.

Por, të gjithë këto faktorë çojnë në rritjen e numrit të vetvrasjeve ndër grupmoshat e reja, çojnë në rritjen e numrit të të rinjve të diagnostikuar me depresion apo “social anxiety” (ankth social), e më pas, në momentin që të gjitha këto ndodhi e fakte na qëndrojnë përpara syve themi: “kaq rëndë qenka situata!”…PO, kaq rëndë është, pasi rrjetet sociale kanë të mirat dhe avantazhet e tyre, por kanë dhe këto anët e errëta, të cilat shoqërohen me pasoja që arrijnë deri në marrjen e jetës së njerëzve. Është studiuar se “vetvrasja” është shkaku i tretë ndërmjet të rinjve, për ata që humbin jetën nga mosha 15 deri në 24 vjeç dhe se 20% e adoleshentëve vuajnë dhe preken nga depresioni, para se ata të hyjnë në fazën e të quajturit “adult”…

Pra, le të rritet kontrolli, le të merren masa, le të shtypet disa herë butoni “report”, pasi ku i dihet, t’i ndoshta je duke shpëtuar një të ri, duke i dhënë mundësinë për të vazhduar jetën, e në të njëjtën kohë je duke i “mbyllur gojën” një “personi pa punë”. Le t’i themi së bashku “STOP” këtij fenomeni, pasi mjaftojnë fenomenet me të cilat ndeshemi në jetën reale, pa qenë nevoja dhe për t’u përballur me ato të jetës virtuale.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0